Qazaqstan • 29 Maýsym, 2020

Aıda Balaeva: Aqparatty qoljetimdi etý - mınıstrliktiń basty mindetiniń biri

37 ret kórsetildi

Aıda Balaeva "Halyqtyń únine qulaq asatyn memleket" qalyptastyryp, aqparatty qoljetimdi etý mınıstrliktiń basty mindetiniń biri ekenin atap ótti, - dep habarlaıdy Egemen.kz.

"Mınıstrlik jumysynyń kelesi bir úlken baǵyty – halyq únine qulaq asatyn memleket pen aqparatty qoljetimdi etý. Árıne, bul barlyq memlekettik organdarǵa ortaq mindetter. "Halyqtyń únine qulaq asatyn memleket" ıdeıasy qazir qoǵamnyń qyzý qoldaýyn taýyp, shyn máninde úlken úmit kútetin konsepsııa bolyp otyr. Onyń aıasynda osy ýaqytqa deıin biraz sharýa atqaryldy. Máselen, mınıstrlik basshylyǵynyń azamattardy turaqty túrde qabyldaýy men olardyń ótinish-tilekterin baqylaý isi bir júıege keltirilgen. Mınıstrdiń jeke blogy da úzdiksiz jumys isteıdi", - dedi mınıstr.

Sondaı-aq mınıstrdiń sózinshe, aqparatqa qol jetkizý qamtamasyz maqsatynda birqatar shara qolǵa alynyp, júzege asqan. 

"Qazirdiń ózinde memlekettik organdarǵa qarasty kóptegen mekeme osyndaı modelmen jumys jasap otyr. Máselen, 100-den asa uıym "Ashyq dıalog" portalynda birinshi basshylarynyń blogyn ashty. Sóıtip, portalda kóptegen ashyq málimet jarııalana bastady. Taǵy bir atap ótetin jaıt - qazir biz jalpaq elge yńǵaıly bolýy úshin Memlekettik baǵdarlamalardyń ortaq portalyn jasap, iske qosýdamyz. Bul jerde Úkimet pen jergilikti organdar júzege asyryp jatqan barlyq baǵdarlamalarmen túsinikti ári qoljetimdi túrde tanysýǵa bolady", - dedi Aıda Balaeva.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar