Qoǵam • 29 Maýsym, 2020

Memlekettik BAQ-tyń biryńǵaı portaly iske qosylady

21 ret kórsetildi

Otandyq BAQ-tyń básekege qabilettiligin arttyrý sheńberinde qazaqstandyq buqaralyq aqparat quraldaryn memlekettik qoldaý tásilderi qaıta qaralady. Bul týraly Ortalyq kommýnıkasııalar qyzmetiniń alańynda ótken halyq aldynda esep berý kezdesýinde Aqparat jáne qoǵamdyq damý mınıstri Aıda Balaeva málim etti, - dep habarlaıdy Egemen.kz.

Aıda Balaevanyń málimetinshe, memlekettik aqparattyq tapsyrysty ornalastyrýdyń biryńǵaı júıesin qurýǵa, otandyq baspa BAQ-ty qoldaýǵa, sıfrlyq radıohabar men ınternet televıdenıeni damytýǵa, aqparat salasyndaǵy memlekettik uıymdardy ońtaılandyrýǵa baǵyttalǵan birqatar shara qarastyrylǵan.

Sonymen qatar, vedomstvo basshysynyń aıtýynsha, kásibı damýdyń bilim berý baǵdarlamalaryn jetildirý, tálimgerlik ınstıtýtyn damytý, oqytý kýrstaryn uıymdastyrý, BAQ jas qyzmetkerlerine granttyq baǵdarlamany iske qosý arqyly BAQ salasyndaǵy kadrlardy daıarlaý júıesi qaıta qaralady.

"Aqparat salasyn quqyqtyq retteý sheńberinde salanyń jańa sýbektileriniń quqyqtyq mártebesin aıqyndaýǵa, jarnama boıynsha BAQ úshin múmkindikterdi keńeıtýge, teleradıo habarlaryn taratý salasyndaǵy rásimderdi jetildirýge baǵyttalǵan zańnamalyq sharalar iske asyrylatyn bolady. Halyqty memlekettik organdardyń qyzmeti týraly sapaly aqparattandyrý maqsatynda bıylǵy jyly memlekettik BAQ-tyń biryńǵaı portaly iske qosylady", - dedi mınıstr.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar