Sýretti túsirgen: Valerıı Býgaev
Qalanyń shetki Iýjnyı, Lesozavod, Radıozavod degen áli kúnge ataýlary ózgermegen shaǵyn aýdandardaǵy attary sol kúıi turǵan Sovhoznaıa, Repın, Taganrogskaıa, Molodogvardeıskaıa kósheleri jóndelýde.
Sondaı-aq ekinshi Pavlodar dep atalatyn shaǵyn aýdandaǵy 5 kósheniń jolyna asfalt tóselip, jıektastar ornatylsa, 8 kóshege qıyrshyqtas tóselýde.
Al, Qamzın kóshesiniń birqatar bóligi, Pavlov, Amangeldi jáne Abaı kóshelerindegi joldar asfalttalady.
Qalalyq ákimdiktiń málimetinshe, Abaı kóshesin jóndeý jumystary shilde aıynda aıaqtalýy tıis.
Biraq turǵyndar Abaı kóshesindegi jóndeý jumystarynyń durys jasalmaýyna oraı ákimdikke habarlasqan.
Sondyqtan ákimdik jaıaý júrginshiler jolyna kespetasty durys tósemegen, merdigerge eskertý jasady.
Merdiger kompanııanyń ókilderi kemshilikterdi túzetýge ári turǵyndardyń talap-tilegin eskerýge ýáde berdi.
Pavlodar
