Koronavırýs • 29 Maýsym, 2020

Olımpıada oıyndarynyń júldegeri koronavırýs juqtyrdy

58 ret kórsetildi

2008 jylǵy Grek-rım kúresinen Olımpıada oıyndarynyń júldegeri, qazir Almaty oblysy dene shynyqtyrý jáne sport basqarmasynyń basshysy Nurbaqyt Teńizbaev koronavırýspen aýyrdy, dep habarlaıdy Egemen.kz

Qazir ol Taldyqorǵan qalasyndaǵy oblystyq aýrýhanada emdelip jatyr. "Iá, taldaý oń nátıje kórsetti. Maǵan pnevmonııa dıagnozy qoıyldy. Aýrýhanada bir apta boıy emdelip jatyrmyn. Qazirgi tańda ózimdi jaqsy sezinemin. Alǵashqy kúnderi óte qıyn boldy. Dene qyzýym qatty kóterilip, jótele bastadym. Keıin birden jedel-járdem shaqyrdym. Sondyqtan barlyǵyńyz densaýlyqtaryńyzǵa durys mán bergenderińiz durys", - deıdi Nurbaqyt Teńizbaev.

Nurbaqyt Teńizbaev − qazaq grek-rım kúresi, 2008 jylǵy jazǵy Olımpıada oıyndarynyń kúmis júldegeri, 2009 jylǵy álem chempıonatynyń qola júldegeri, jasóspirimder arasyndaǵy álem chempıony (Ystambýl, 2003 j.), Azııanyń eki dúrkin chempıony, Qazaqstannyń eńbek sińirgen sport sheberi.

Sońǵy jańalyqtar

Uqsas jańalyqtar