Ekonomıka • 29 Maýsym, 2020

Qytaı nege damyp ketti?

1055 ret kórsetildi

Qytaı Halyq Respýblıkasynyń Mádenıet jáne týrızm mınıstrliginiń málimetinshe, Dýanvý meıramyna (qos besik) arnalǵan demalys kúnderi elde 48 mıllıon 809 myń sapar tirkelgen, týrızmniń qalpyna kelý koeffısıenti ótken jyldyń sáıkes kezeńimen salystyrǵanda 50,9% qurady,- dep habarlaıdy Egemen.kz.

27 maýsymdaǵy málimet boıynsha, týrızmnen túsken tabys 12 mıllıard 280 mıllıon ıýanǵa jetti. Bul ótken jyldaǵy tabystyń 31,2 paıyzyn quraıdy. Týrızm segmentiniń derekteri búkil Qytaı ekonomıkasyn jedel qalpyna keltirýdiń matrısasyn kórsetti. Koronavırýstyq  qysymǵa qaramastan, Qytaı ekonomıkasy birtindep ósý tendensııasyn kórsetýde.

Qytaı ekonomıkasynyń damý kúshi, áleýeti jáne keń perspektıvasy, óz kezeginde, álemdik naryqtaǵy Qytaıǵa degen senim deńgeıin aıtarlyqtaı arttyrdy. Halyqaralyq valıýta qorynyń boljamynsha, 2020 jyly álemdik ekonomıka 4,9% quldyraýǵa ushyraıdy, bul HVQ-nyń aldyńǵy boljamynan 1,9% tómen. Salystyrý úshin: Qytaı ekonomıkasy (HVQ boljamyna sáıkes) 2020 jyly óziniń ósýin saqtaıtyn álemdegi jetekshi ekonomıkalardyń biri bolady.

Jaqynda ótken 127-shi Kantondyq eksport-ımport jármeńkesinde 217 eldiń saýda ókilderi kommersııalyq kelissózderge qatysty. Bul jármeńke tarıhyndaǵy jańa rekord. Volkswagen avtomobıl gıganty Anhoı provınsııasyndaǵy elektromobıl óndirisine qosymsha 2 mıllıard eýro ınvestısııalady. A.T.KEARNEY konsaltıngtik kompanııasy sheteldik tikeleı ınvestorlardyń senim ındeksiniń (TShI) 2020 jylǵa arnalǵan esebin jarııalady, oǵan sáıkes Qytaı álemdegi "alǵashqy ondyqqa" kiretin naryqtyq damýshy el boldy.

Nelikten Qytaı ekonomıkasy qıyndyqtardy tez jeńe alady? Sarapshylardyń pikirinshe, buryn-sońdy bolmaǵan pandemııa kezinde bıleýshi ​​partııa men Qytaı úkimeti árqashan adamnyń ómiri men densaýlyǵynyń kepildigin birinshi orynǵa qoıady jáne ǵylymı kózqaras negizinde indettiń aldyn alý jáne oǵan qarsy kúres jumystaryn júrgizip, birtindep óndiristi qalpyna keltire bastaıdy. Mundaı shema Qytaı ekonomıkasyndaǵy qalpyna kelý qarqynyn jedeldetýge qolaıly jaǵdaı jasaıdy.

Sonymen birge Qytaı - 1,4 mlrd halqy bar úlken tutyný naryǵy bar el. Tutyný kólemi únemi ósip keledi. Bul el ekonomıkasy damýynyń qýatty negizine aınaldy. Tolyqqandy óndiristik tizbekter, kúshti ǵylymı-tehnologııalyq áleýet jáne bilikti mamandardyń kóptigi - Qytaı ekonomıkasyn básekege qabiletti etip otyr.

 

 

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar