"Qazirgi tańda Shymkent qalasynda naýqastardy emdeý úshin 2870 tósek-oryn bar. Onyń 650-i juqpaly aýrýhanalarǵa, 2220-sy provızorly orynǵa arnalǵan. Jalpy, olardyń 447-si bos. Maýsym aıynyń sońynda Shymkent qalasynda juqpaly aýrýmen aýyrǵandar kúrt ósti. Iаǵnı, pnevmonııamen aýyrǵan naýqastar sany 5,8 esege artty. Al JRVI-men aýyrǵan naýqastar sany 2 esege ósti. Osyǵan baılanysty jedel járdem qyzmetine qońyraý shalatyndar 5 esege kóbeıdi. Orta eseppen 1 kúnde 2100-deı shaqyrtý túse bastady. Bul shaqyrtýlarǵa der kezinde qyzmet kórsetý úshin Shymkent qalasynyń ákimi M.Áıtenov arnaıy tapsyrma berdi. Osy tapsyrmaǵa sáıkes qalada provızorly oryndar men kúndizgi stasıonarlardy kóptep ashyp jatyrmyz. Búginde Samal-3 shaǵynaýdanyndaǵy jańa mektepten 400 oryndyq provızorly oryn, Polıtehnıkalyq kolledjden 150 oryn ashyldy. Al aptanyń sońyna deıin 400 orynǵa jetkiziledi.
Sondaı-aq búgin Jeńil atletıkalyq sport kesheninen 150 oryn daıyndaldy jáne 1 shilde kúni ol 450 orynǵa jetedi. Munda barlyq medısınalyq qural-jabdyqtar qamtylǵan. Qazirgi ýaqytta qalada juqpaly aýrýǵa shaldyqqan naýqastarǵa oryn jetkilikti. Osy rette daıyndalǵan provızorly oryndar boıynsha dárigerler naýqastarǵa jedel kómek kórsetedi degen senimdemiz", – dedi Shymkent qalasy ákimi apparatynyń basshysy Erkeǵalı Amantaıuly.
Aıta keteıik, qalada juqpaly dertke shaldyqqan naýqastardy emdeý maqsatynda provızorly oryndardan bólek, kúndizgi stasıonarlyq emdeý jumystarynyń da qyzmeti kúsheıtilýde.
