Rýhanııat • 29 Maýsym, 2020

Qazaqstan Junior Eurovision 2020 baıqaýyna qatysady

11 ret kórsetildi

Qazaqstan 2020 jyly 29 qarashasynda Polshada ótetin halyqaralyq "Junior Eurovision Song Contest" án baıqaýyna qatysýǵa úshinshi ret shaqyryldy, - dep habarlaıdy Egemen.kz.

Aıtýly sheshimdi Eýropalyq habar taratý odaǵy uıymnyń basqarma komıtetiniń anonımdi saılaýy nátıjesinde jarııalady.

Qazaqstannyń saıysqa qatysýǵa múmkindik alýy elimizdiń eń iri medıa holdıngi sanalatyn "Habar" Agenttiginiń 2016 jyldan beri Eýropalyq habar taratý odaǵynyń múshesi bolýynyń arqasynda múmkin boldy.

Eske sala ketsek, 2018 jyly Danelııa Týleshova "О́zińe sen" ánimen saıysta altynshy oryndy ıelendi. О́tken jyly "Armanyńnan qalma" ánin oryndaǵan Erjan Maksım ekinshi orynǵa (qazylar alqasynyń sheshimimen – birinshi) qol jetkizdi.

Sońǵy jańalyqtar

Uqsas jańalyqtar