Aımaqtar • 29 Maýsym, 2020

Taraz Qazaqstannyń týrızm ortalyǵyna aınalýy kerek – Berdibek Saparbaev

20 ret kórsetildi

Jambyl oblysy, T.Rysqulov aýdanynda biregeı djıp-safarı ekspedısııasy ótti, - dep habarlady oblys ákimdiginiń baspasóz qyzmeti.

Atalǵan shara oılaǵandaı áserli ári joǵary deńgeıde órbidi. Ekspedısııanyń ashylýynda qonaqtar nazaryna kóne jádigerler, halyq qolóneri buıymdary usynylyp, ulttyq salt-dástúrler týraly baıandaldy.

Jambyl oblystyq tarıhı-ólketaný mýzeıi ázirlegen kórmege XII-XIII ǵasyrlardaǵy 50-den astam arheologııalyq jádigerler qoıylǵan desek, olar kóne Tarazdyń ótkeninen syrt sherte bildi.

Etnoaýylda qonaqtar kóshpeli qazaqtardyń tirshiligine boılaı aldy. Oblystyq "ARAI" gazetiniń fotografy Altynbek Qartabaıdyń fotokórmesi óńir tabıǵatynyń sulýlyǵyn pash etti.

Sondaı-aq, "Rysbaeva ı K" kompanııasy Jambyldyń kórneki oryndary beınelengen sývenırler toptamasyn kórsetse, "ASPARA" sán úıi ulttyq áıelder kıiminiń sán kórsetilimin ótkizdi.

"Eki myń jyldyq tarıhy bar Taraz qazaqstandyq jáne sheteldik týrısterdi tartatyn ortalyqqa aınalýy tıis. Álemniń kóptegen elderi memlekettik qazynasynan qomaqty qarajat qarastyra otyryp, týrıstik jobalardy sátti júzege asyryp keledi. Bul oraıda bizdiń óńirimizdiń de áleýeti joǵary. Djıp-safarı ekspedısııasy ishki týrızmdi damytýda úlken ról atqaratynyna senimdimin. Shara aldaǵy ýaqytta dástúrli túrde jyl saıyn uıymdastyrylatyn bolady", - dedi oblys ákimi Berdibek Saparbaev.

Aımaq basshysy qonaqtarǵa "Qar-alma" taý shańǵysy kesheniniń qurylysy jáne ishki jáne balalar týrızmin damytý týraly josparlarymen bólisti.

Qonaqtardyń biri, belgili ánshi Sáken Maıǵazıev barlyq qazaqstandyqtar ejelgi Tarazdyń baı tarıhy barsha qazaqstandyqtardyń maqtanyshy ekendigin atap ótti.

"Búgin biz Jambyl oblysynyń kóptegen týrısterdi tartýdyń qaınar kózi jáne damyǵan týrıstik klasterdiń ınfraqurylymyn qurýǵa negiz bola alatyndyǵyna taǵy bir márte kóz jetkizdik.

Bul halyqaralyq arenada aımaqtyń biregeı ımıdjin qalyptastyrýǵa múmkindik beredi", - dep ánshi aǵynan jaryldy.

Qurmetti qonaqtardyń qatarynda ánshi Kenjebek Janábilov, aqyn Rınat Zaıtov, ánshi Dosymjan Tańatarov, akter Qaırat Ádilgereı, ánshi Indıra Rasylhan, boksshy Janqosh Turarov, palýan Beıbit Ystybaev, MMA jaýyngeri Qýat Hamıtov, fotograf Maqsat Elibaı, kásipker Dosbol Málikomar, bloger О́rken Kenjbek, ZTB.kz jobasynyń negizin qalaýshy Marǵulan Tursynov boldy.

Resmı ashylý rásiminen keıin qonaqtar jol talǵamaıtyn kóliktermen ekspedısııaǵa attandy. Olar marshrýt boıynsha qasıetti "Topaǵash" toǵaıy, "Arǵynkól" jaǵalaýy jáne "Sumqaıty" jazyǵy arqyly ótti.

Djıp-safarıdiń qatysýshylary aımaqtyń klımattyq, geografııalyq jáne geologııalyq jaǵdaılarynyń ereksheligine kóz jetkize aldy. Sherhan Murtaza atyndaǵy "Rýhanııat jáne tarıhı zertteýler" ortalyǵynyń qyzmetkerleri atalǵan jerlerge qatysty ańyzdar týraly áńgimelep berdi.

Kelesi kúni qatysýshylarǵa aımaqtyń tarıhı jáne mádenı eskertkishterine ekskýrsııa uıymdastyryldy desek, onda qatysýshylar "Aqyrtas" saraı kesheni, "Tekturmas" etnomádenı kesheni, "Qarahan", "Dáýitbek", "Aısha Bıbi" jáne "Babadja Hatýn" keseneleri, Qazaq handyǵynyń 550 jyldyǵyna arnalǵan eskertkishterdi aralap, tanysty.

Oblys aýmaǵynda 3441 tarıhı-mádenı qundylyǵy bar eskertkish tirkeýge alynǵan. Onyń ishinde Uly Jibek joly boıynda ornalasqan 5 nysan IýNESKO-nyń Dúnıejúzilik Mádenı mura tizimine engen ("Aqtóbe" (Balasaǵun), "О́rnek", "Qulan", "Qostóbe" qalashyǵy jáne "Aqyrtas" saraı kesheni), 6 – Erekshe qorǵalatyn memlekettik aımaq ("Berikqara", "Merke", "Ańdysaı", "Jýsandala", "Úmbet", "Qaraqońyz") jáne 37-negizgi týrıstik nysan bar.

Búgingi tańda óńirdegi 37 negizgi týrıstik nysan boıynsha 22 arnaıy týrıstik baǵyt ázirlendi.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar