Aımaqtar • 29 Maýsym, 2020

Pavlodar oblysynda polıseıler ótken jyldardaǵy urlyqty ashty

78 ret kórsetildi

Pavlodar oblysy Maı aýdanynyń polıseıleri ótken jyldardaǵy urlyqty ashty, dep habarlady IIM baspasóz qyzmeti.

2015 jyly aýdandaǵy sharýa qojalyqtarynyń biriniń basshysy úsh jylqynyń joǵalǵany týraly aryzben Maı aýdanynyń polısııa bólimine júgindi. 2020 jyldyń mamyr aıynda alys jatqan mal jaıylymynyń oryndaryn taýyp alý kezinde polısııa jábirlenýshige tıesili jylqyny taýyp aldy. 

Polısııa 2015 jyly kúdikti aýdannyń dala aımaǵyn motosıklmen aralap júrgende jylqylardyń (bıe men eki qulyn) qaraýsyz jaıylyp jatqanyn kórgenin anyqtady. 

Er adam esh oılanbastan jylqylardy aýylyna aıdaǵan. Kelgennen keıin ol eki qulyndy soıyp, etti satyp jiberedi. Al bıeni qaldyrýdy sheshken. Jylqy urlanǵanyn jasyrý úshin oǵan óz tańbasyn salyp, bul jylqyny aýyldasynyń jylqylaryna aparyp qosady. 

Atalǵan fakti boıynsha QR QK 188-baby “Urlyq” boıynsha sotqa deıingi tergeý júrgizildi. Is sotqa joldandy. Jylqy zańdy ıesine qaıtarylady. Mundaı faktilerdiń aldyn alý úshin polısııa maldy jaıylymǵa qaraýsyz qaldyrmaýǵa keńes beredi. Iri qara maldy baqylaýsyz jaıylymdaý – mal urlaýshylar úshin ońaı olja. 

Mindetti túrde belgi qoıý óte mańyzdy. Sondaı-aq, mal tólqujattary bolýy kerek. Sonymen birge sharýa qojalyqtarynyń basshylary nysandardy túnde qorǵaýǵa, malshylardy baqylaýǵa, nysandardy jaryqpen jabdyqtaýǵa, beınebaqylaý ornatýǵa nazar aýdarýy kerek.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar