Maqsat - jumyssyz azamattardy kásippen qamtý. Aýdannyń eldi mekenderinde 18 jobany iske asyrý josparlanýda, onyń 14-i aýdan ortalyǵynda júzege asyrylady.
Aýdan boıynsha 682 jumys orny qurylyp, onyń 343 jumyssyz retinde tirkelgen azamattar qabyldanady.
"Jumyspen qamtýdyń 2020-2021 jyldarǵa arnalǵan jol kartasy" baǵdarlamasy aıasynda bıyl aýdanda Aqqyr aýyldyq okrýgindegi №188 orta mektep pen Maqpalkól aýyldyq okrýgindegi Á.Ońalbekov atyndaǵy №117 bilim uıasy kúrdeli jóndeýden ótedi. Ol úshin jumyssyz retinde tirkelgen 35-ten asa azamat jumysqa qabyldanady. Sondaı-aq aýdandyq sport jáne dene shynyqtyrý bólimine qarasty Narkesken sport klýby men M.Shámenov eldi mekenindegi sport alańy qaıta jóndeýden ótedi.
Sondaı-aq Aýdandyq turǵyn úı kommýnaldyq sharýashylyǵy, jolaýshylar kóligi jáne atomobıl joldary bólimine qarasty bıyl Aqsý eldi mekenine kireberis aýdandyq mańyzy bar avtomobıl jolyn jaryqtandyrylady. Sonymen qatar "Samara-Shymkent-Tań" men "Samara-Shymkent-Josaly-Jalaǵash-Qaraketken" avtojoldary ortasha jóndeýden ótedi.
