Úkimet • 30 Maýsym, 2020

Basym baǵyttar aıqyn

6 ret kórsetildi

Prezıdent janyndaǵy Ortalyq kommýnıkasııalar qyzmeti alańynda Aqparat jáne qoǵamdyq damý mınıstri Aıda Balaeva halyqqa onlaın-formatta esep berdi. Oǵan jergilikti atqarýshy organdardyń ókilderi, Bas redaktorlar klýbynyń, jastar uıymdarynyń, qoǵamdyq keńesterdiń tóraǵalary men azamattyq qoǵam músheleri qatysty.

Aıda Balaeva eń aldymen mınıstrlik­tiń ıdeologııalyq baǵyttaǵy 5 úlken salaǵa jaýap beretinin aıtyp, osy baǵyt­ta jumys isteıtin qurylymdarmen nátıjeli jumystar júrgizýge daıyn ekenin jetkizdi.

Mınıstrlik málimetine saı, memle­kettik áleýmettik tapsyrys sheńberinde 2020 jyly jalpy quny 17,7 mlrd teńgeden astam somany quraıtyn 2 myńnan artyq áleýmettik joba iske asyrylmaq.

Mınıstrdiń aıtýynsha, tóten­she jaǵdaı kezin­de 40 myń volonter qıyndyqqa tap bol­ǵan 1 mıl­lıonǵa jýyq azamatqa kó­mek kór­setken. «Eriktilerdiń jumysyn odan ári jú­ıe­li damytý úshin óńirlik deńgeıden res­­pýb­­lıkalyq deńgeıge deıin biryńǵaı ver­­tı­­kal qaǵıdaty boıynsha volon­ter­lik ın­­f­­raqurylym qolǵa alyn­dy. Qazirgi ýa­­qyt­­ta ÚEU-men birge tıisti zań jobasyn ázirleý bo­ıynsha jumys júrgizilýde, onyń sheńberinde adamdardy volon­terlik qyz­­met­ke aralasýyn ynta­landyrý úshin prak­­tı­kalyq tetikter iske qosylatyn bola­dy», dedi mınıstr. Sonymen bir­ge bıyl eli­miz­diń 7 volonteri BUU qurylymyndaǵy qyz­met­­ke jibe­r­iletini málim boldy. «Bıyl 7 qa­za­q­­standyqty volonter retin­de BUU qu­­ry­­lym­daryndaǵy ju­mys­qa baǵyttaý jos­­par­­lanyp otyr. Qazaqstannyń damýy men áleýmettik mańyzdaǵy máse­le­ler­di she­­shýge úles qosqan úzdik volonterler men bas­­ta­malar «Jyl volonteri» halyqaralyq syı­­ly­ǵymen yntalandyrylady», dedi A.Balaeva.

«Mınıstrlik jumysynyń kelesi bir úlken baǵyty – «Halyq únine qulaq asatyn memleket» tu­jy­rymdamasyn iske asyrý jáne aqparatty qoljetimdi etý. «Halyq únine qulaq asatyn mem­leket» ıdeıasy shyn máninde úlken úmit kútetin konsepsııaǵa aınalyp otyr. Onyń aıasynda osy ýaqytqa deıin biraz sharýa atqa­ryl­dy. Máselen, mınıstrlik bas­shy­lyǵynyń azamattardy turaqty túrde qabyldaýy men olardyń ótinish-tilekterin baqylaý isi bir júıege keltirilgen. Mınıstrdiń jeke blogy da úzdiksiz jumys isteıdi», dedi mınıstr. Baıandama­dan belgili bolǵandaı, barlyq memlekettik organda qoǵamdyq jáne onlaın qabyldaý oryndary jumys isteýde. Memlekettik mekeme saıttary biriktirilip, aza­mat­tardyń ótinishi túsetin tutas platforma ashylǵan.

Sonymen birge ol aqparattyq qyzmet sapasy men azamattyq qoǵamnyń sheshim qabyldaý úrdisine qatysý belsendiligin arttyrýdy maqsat etken «Azamattyq qoǵamdy damytýdyń 2025 jylǵa deıingi» tujyrymdamasy ázir­lengenin aıtty.

Odan ári mınıstr vedomstvo­nyń taǵy bir mańyzdy baǵyty – halyqqa aqparatty qoljetimdi etý máselesine toqtaldy. «Bul rette, aqparat boıynsha zań jobasyna birqatar ózgeris daıyndalǵan bolatyn. Olardyń negizgi kózde­gen mindetteri: memlekettik organ­dardyń osy baǵyttaǵy qu­zy­­retin, azamattardyń aqparat­qa qoljetimdiligi týraly Pre­zı­dent­ke esep berý, árbir memle­kettik or­gan­da osy baǵytqa jaýap­ty qyz­metkerdi taǵaıyndaý másele­lerin jáne basqa da ózekti sharalardy zań júzinde bekitý», dedi mınıstr.

Onyń sózine qaraǵanda, halyq­ty sheshim qabyldaý úrdisterine tartý úshin vedomstvo ákimdiktiń ashyq modelin jasaǵan. Qazirdiń ózinde memlekettik organdarǵa qarasty kóptegen mekeme osyndaı modelmen jumys istep otyr. Máselen, 100-den asa uıym «Ashyq dıalog» portalynda birin­­shi basshylary­nyń blogyn ash­ty. Sóıtip portalda kópte­gen ashyq málimet jarııalana bas­ta­dy. «Qazir jalpaq elge yńǵaı­ly bolýy úshin memlekettik baǵdar­la­­ma­lardyń ortaq portalyn ja­sap, iske qosýdamyz. Onda Úki­­met pen jergilikti organdar jú­ze­ge asyryp jatqan barlyq baǵdarlamamen tanysýǵa bolady», dedi A.Balaeva.

Alqaly jıynda otandyq BAQ salasy sóz boldy. «Bizde aqparat salasyn damytýdyń 2020-2022 jyldarǵa arnalǵan Ulttyq jospary bar. Onda otandyq BAQ-tyń básekelestigin arttyrý, adamı kapıtaldy damytý, aqparat salasyn quqyqtyq retteý, mem­lekettik qoldaýǵa qatysty konsep­týaldy is-sharalar qaras­tyrylǵan. Otandyq BAQ-tyń básekege qabilettiligin arttyrý aıasynda aqparat quraldaryn mem­lekettik qoldaýdyń qadam­dary qaıta qaraldy. Qazaqstandyq bas­pasózdi qoldaý, sıfrly radıohabar men ınternet telearnany damytý, aqparat salasynda memlekettik uıymdardy ońtaılandyrý boıynsha sharalar kesheni iske asyrylady. Ult­tyq jospardy júzege asyrý otan­dyq BAQ-tyń ekonomıkalyq der­bestigin arttyrýǵa jáne qoǵam tarapynan tutynýshylyq sura­nystyń ósýine yqpal etedi. Osy turǵyda memlekettik organ­dar­dyń qyzmeti týraly halyqqa sapaly habar taratý maqsatynda bıyl memlekettik BAQ-tyń bir­yń­ǵaı portalyn iske qosa­myz», dedi mınıstr. Sonymen birge jas jýrnalısterdiń bilikti­ligin arttyrý da jos­parda qarasty­ryl­ǵanyn jetkizdi.

«Qazir jańa eki telearna ashý máselesi qaras­tyrylyp jatyr. Olar – «Abaı TV» jáne «Ál-Farabı» telearnasy. «Abaı TV» tele­a­rnasy 30 maýsymda kórermenge jol tarta­dy. Ol «Qazaqstan» TRK» quramyna kir­edi jáne otandyq mádenıet murasyn nası­hattaıtyn arna bolady. Aldaǵy oqý jy­ly­nyń basynda «Habar» agenttiginiń baza­synda 6 jastan 18 jasqa deıingi bala­lar men jasóspirimder aýdıtorııasyna arnal­ǵan jańa bilim berý-aǵartýshylyq tele­vız­ııalyq platforma bolatyn «Ál-Fara­bı» arnasy iske qosylady»,  dedi mınıstr.

Otandyq serıal óndirisiniń damýy týraly aıta kele, A.Balaeva bıyl 42 serıal óndi­risi josparlanǵanyn habarla­dy. Kórermenge otbasy qundy­lyqtary, volonterlerdiń qyzmeti týraly qyzyqty jobalar, pedagogter, dárigerler, polıseı­lerdiń ımıdjin kóterýge, salamatty ómir saltyn nasıhattaýǵa baǵyttalǵan serıaldar túsirilmek.

Mınıstr vedomstvonyń mindetindegi taǵy bir jaýapty sala – din salasyndaǵy mindetterdi atap ótti. Naqty aıtsaq, halyq arasynda zaıyrly qundylyqtardy ilgeriletý, konfessııaaralyq kelisimdi saqtaý jáne dinı ekstremızmniń aldyn alý sheńberinde 2019 jyly 3 mıllıon adamdy qamtıtyn 50 myńnan astam is-shara ótkizilgen. Mınıstr atap ótkendeı, buǵan 300 bilikti mamany bar aqparattyq-túsindirý toby jumyldyrylǵan. Osy qurylymdardyń tıimdiligin arttyrý úshin bıyl mamandardyń sanyn 500 adamǵa deıin arttyrý, sondaı-aq 1 200 lektordy qaıta daıarlaý josparlanýda.

Mınıstrdiń aıtýynsha, «Jýsan» operasııasy aıasynda terrorıstik belsendilik aımaǵynan qaıtarylǵan 163 áıeldi qaıta áleýmettendirý boıynsha keshendi aldyn alý jumystaryn júrgizýge erekshe nazar aýdaryldy. Búgingi tańda olardyń 144-i radıkaldy dinı kózqarastardan bas tartty, al keıbireýleri zaıyrly ómir saltyna tolyǵymen kóshti.

2019 jyly áleýmettik jelilerde, elektrondy BAQ jáne basqa da ınternet alańdarda dinı ekstremızm ıdeologııasyn qarsy nasıhattaý aıasynda 5,3 myńnan astam ınternet-resýrstardyń mazmuny taldandy, onyń ishinde 3,2 myńy zańǵa qarsy sıpattaǵy materıaldardy qamtıdy. Olardyń barlyǵy ýaqtyly buǵattalǵan. Mınıstr halyqtyń radıkaldy aǵymǵa qarsy ımmýnıtetin qalyptastyryp, dinaralyq qaqtyǵystardyń aldyn alýdyń mańyzdylyǵyn aıtty.

Mınıstr etnosaralyq kelisimdi qam­tamasyz etý júıesin jańǵyrtý jáne Qazaq­stan halqynyń birligin nyǵaıtý maq­­satynda mınıstrlik janynan etnos­aralyq qatynastardy damytý jónindegi komıtet qurylatynyn habarlady. Al elge oralǵan qandastardyń tez arada aza­mattyq alýyna jaǵdaı jasaý úshin «bir tereze» qaǵıdasy negizinde qajet qu­jattardyń tizimi qysqartylǵan. Sonymen birge Qytaı, Reseı, Mońǵolııa, О́zbekstan, Ger­manııa, Túrkııa jáne AQSh-ta Qazaq má­de­nı-iskerlik úıleri qurylatyn bolady.

2019 jyly Jastar jyly sheń­berinde 300-den astam respýblıkalyq is-shara júzege asyrylyp, oǵan 2 mıllıonnan astam jas qamtylǵan. Sondaı-aq ol mınıstrlik qazir «Rýhanı jańǵyrý» baǵdarlamasynyń qaǵıdattaryn ortalyq memlekettik organdar men ákimdikterdiń strategııalyq qu­jattaryna yqpaldastyrý boıynsha ju­mystar júrgizip jatqanyn jetkizdi. «Mı­nıs­trlik tarapynan tulǵany damytýǵa ba­ǵyt­talǵan jańa 4 arnaıy joba boıynsha usy­nystar engizildi: «Eńbek – eldiń mura­ty», «Quqyqtyq mádenıet», «Jańa – qoǵam qýa­ty», «Dástúr men ǵasyr». Árbir arnaıy jo­ba­ǵa tujyrymdama ázirlendi, onda ony iske asyrý mehanızmi ındıkatorlarmen já­ne kútiletin nátıjelermen egjeı-tegjeıli sı­pattalǵan», dedi vedomstvo basshysy.

 

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar