Fýtbol • 30 Maýsym, 2020

Chempıonat qaıta jalǵasady

9 ret kórsetildi

Koronavırýs pandemııasyna baılanys­ty ýaqytsha toqtatylǵan fýtboldan Qazaqstan chempıonaty 1 shildeden bas­tap qaıta jalǵasatyn boldy.

El birinshiligi ózge elderdegideı kórer­mensiz ótedi jáne jarys kezinde qyzmet etetin adamdardyń sany shekteýli bolady. Sonymen qatar Qazaqstan kásipqoı fýtbol lıgasy komandalarǵa sanıtarııa talaptaryn qatań saqtaýdy mindettegen.

Pandemııaǵa baılanysty ýaqytsha úzilis kezinde Pavlodardyń «Ertis» komandasy qarjylyq jaǵdaıǵa baılanys­ty chempıonatty jalǵastyra almaıtyn bolǵan soń, uıymdastyrýshylar match kún­tiz­besin qaıta jasaqtap shyqty. Ere­jege saı, ár týr bes oıynnan turady jáne ko­man­­dalar kezektesip bir týrǵa qatys­paıdy. Osy­laısha týrnırdi 11 komanda jal­ǵas­tyratyn boldy.

El chempıonatynyń úshinshi týrynda «Tobyl» – «Kaspıı», «Qaısar» – «Taraz», «Qyzyljar» – «Oqjetpes», «Qaırat» – «Jetisý» jáne «Ordabasy» – Shahter» komandalary oınaıdy. Joǵaryda aıtyp ótkendeı, bul týrda «Astana» fýtbolshylaryna demalys berilgen. Al Birinshi jáne Ekinshi lıga komandalary arasyndaǵy birinshilik jáne Qazaqstan Kýbogy 1 tamyzda bastalady. 

 

 

Sońǵy jańalyqtar

Uqsas jańalyqtar