Aımaqtar • 30 Maýsym, 2020

Kommýnaldyq menshik qaqpaqyl qylýdy kótermeıdi

7 ret kórsetildi

Búgingi kúni kommýnaldyq menshikti esepke alý jáne ony tıimdi túrde basqarý isi jergilikti atqarýshy oryndardan úlken jaýapkershilik pen shynaıy janashyrlyqty talap etedi. О́ıtkeni bul másele qaqpaqyl qylýdy kótermeıdi. Osy istiń buǵan deıingi jaı-kúıine Aqtóbe oblysy boıynsha tekserý komıssııasy tarapynan aýdıtorlyq tekserýler jasalǵan kezde birqatar bylyq-shylyqtardyń beti ashyldy, - dep jazady Egemen.kz

Osy oraıda Aqtóbe qalasy boıynsha ótkizilgen memlekettik aýdıt pen 103 mıllıard teńgege jýyq qomaqty qarajatty quraıtyn 34 mekeme-kásiporyn qamtylsa, sonyń ishinde anyqtalǵan buzýshylyqtardyń kólemi 14 mıllıard 382 mıllıon tengeni qurap otyr. Onyń belgili bir bóligin qarjylyq turǵydaǵy qısynsyzdyqtar bolsa, bıýdjet qarajatyn tıimdi paıdalaný isinde jol berilgen bylyqtar mólsheri astranomııalyq deńgeıge asqaqtap kete barady. Buǵan qosa tıimdi josparlaý normatıvteri men rásimderdi oryndaý tártipteri de shekten tys buzylǵan.

Sarapshy mamandar mundaı kóleńkeli kórinister eń aldymen qurylys salý men kúrdeli jóndeý jumystary kezinde oryn alǵanyn alǵa tartady. Onyń bárin eseptep, tizimge kirgizer bolsaq, gazettiń tutas bir betiniń 4/1 bóligin alatyn bolǵandyqtan bulaı isteýden sanaly túrde bas tartqandy jón kórdik. Áıtse de Aqtóbe qalasyndaǵy "TabysAqtóbe" JShS-da oryn alǵan qarjylyq burmalaýshylyqtar qomaqtyraq kórinedi. Sonyń ishinde jalpaqtyǵy túıeniń tabanyndaı qomaqty soma qatty turmystyq qaldyqtar (QTQ) polıgonyna oryndalmaǵan jumys kólemi úshin tólengen. Sondaı-aq jarǵylyq kapıtaldaǵy bıýdjettik ınvestısııalar kólemi qarjylyq-ekonomıkalyq negizdemege sáıkes iske asyrylmaǵan. Budan kelgen shyǵyn men zııan 10 mıllıon tengeden asyp túsedi.

"Buǵan qosa aýdıttik tekserýler kezinde Aqtóbe qalalyq ákimdiginiń jer qatynastary, sáýlet jáne qala qurylysy bólimi jer telimderin maqsatty túrde paıdalanýdy baqylaý isin júrgizbeı kelgeni anyqtaldy. Sonymen birge atalǵan máselege qatysty monıtorıngtik zertteýler jasaý isi de qolǵa alynbaǵan. Sonyń saldarynan jergilikti bıýdjet kirisine 44,1 mıllıon tenge qarajat óndirilmeı qaldy", dedi oryn alǵan olqylyqtar jóninde Aqtóbe oblysy boıynsha tekserý komıssııasynyń tóraǵasy Saǵat Eńsegenuly.

Onyń oı-tujyrymyn taǵy da tolyqtyra tússek, jaldaý jáne nesıe boıynsha turǵyndarmen ýaqytynda esep aıyrysý tetigi de oılastyrylmaǵan. Búgingi kúni sonyń saldarynan paıda bolǵan qaryzdar kólemi tez ósip bara jatqany aıqyn kórinedi. Qazirgi kezde turǵyn-úı qatynastaryna qatysty máselelerdiń áleýmettik mańyzy joǵary ekenin eshkim joqqa shyǵara almaıdy. Bul iske ashyqtyq pen móldirlik sıpat tán ekeni de belgili. Solaı bola tursa da jalǵa beriletin jańa páterlerdi negizsiz jáne zańsyz bólý kórinisteri oryn alǵany qynjyltpaı qoımaıdy. Bul úderis kezinde qurylystyń oblıgasııalyq qaryz esebinen salynǵany eskerilmeı qalǵan. Osy ústirttiktiń áserinen Aqtóbe qalasy ákimdiginiń bıýdjet shyǵyndary 8 mıllıard tengeden asyp tústi. Sóıtip bıýdjetaralyq qatynastardyń óreskel túrde buzylýyna jol berilgen. Sonymen birge belgilengen ýaqyt ishinde jumyspen qamtý jáne áleýmettik sala bólimi jumyssyzdardy kásiptik oqytý jáne qaıta daıarlaý isin múldem salaqsytyp jibergen. Ári olardyń jumysqa ornalasý deńgeıin baqylaýmen jetkilikti túrde aınalyspaǵan. Osylaısha 56,8 mıllıon tenge bıýdjet qarajaty tıimsiz paıdalanylǵanyn qaı qısynǵa syıǵyzýǵa bolady. Osy arada qalalyq ákimdiktiń aýylsharýashylyǵy jáne vetenarııa bóliminde de tikeleı fýnksııanaldyq mindetterdi atqarýdyń tómen deńgeıi anyqtaldy. Iаǵnı atalǵan bólim bul kezeńde asyl tuqymdy mal satyp alýǵa jáne qunarly jemis aǵashtaryn ósirýge bólingen eki mıllıardtan astam teńgeni tý-talaqaı etip, qalaı bolsa, solaı paıdalanǵan. Eń bir ókinishtisi mundaı jaýapsyzdyq kezinde joǵaryda kórsetilgen qomaqty qarajattyń maqsatty jáne tıimdi paıdalanýǵa baqylaý qoıý máselesi nazardan tys qalyp qoıypty.

Túıip aıtqanda joǵaryda aıtylǵan jáıtter Aqtóbe qalalyq ákimdiginde ótken jyly kommýnaldyq menshikti esepke alý jáne ony tıimdi túrde basqarý isi tómen, qanaǵattanǵysyz jaǵdaıda bolǵanyn kórsetedi. Júrgizilgen aýdıt qorytyndylaryna baılanysty Aqtóbe oblystyq tekserý komıssııasy da osyndaı túıinge kelip otyr. Munyń syrtynda "Tazalyq" mekeme kásipornyn taratý rásimi kezinde ári "Taza qala" jáne "Tuńǵysh Prezıdent" atyndaǵy ortalyq saıabaq sekildi áleýmettik-kópshilik turǵydaǵy mekemelerdi jekeshelendirý jáne senimdi basqarýǵa berý kezinde oryn alǵan kemshilikter bólek bir áńgimeniń sybaǵasy deýge bolady.

Soǵan sáıkes tekserý komıssııasy oblystyq quqyq qorǵaý organdarynyń atyna tıisti materıaldar tapsyrdy dep málimdedi gazet tilshisine onyń tóraǵasy Saǵat Eńsegenuly. Quzyrly organdar Aqtóbe qalasy ákimdiginiń qurylys turǵyn-úı kommýnaldyq sharýashylyq, turǵyn-úı qatynastary bólimi, sondaı-aq "TabysAqtóbe" JShS men Aqtóbe qalasynyń tıimdi damý ortalyǵy mekemeleriniń zańnan tys is-árketteri men buzýshylyqtary jóninde qandaı qorytyndyǵa kelmek. Buǵan qatysty nendeı jaýapkershilikke tartpaq? Buǵan tek ýaqyttyń ózi tóreshi bola alady demekpiz.

AQTО́BE

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

Uqsas jańalyqtar