Aımaqtar • 30 Maýsym, 2020

Ákimi oqshaýlanǵan oblystaǵy indetpen kúres oıdaǵydaı ma?

166 ret kórsetildi

Juqpaly indettiń taralýy Jetisý jerinde de órship tur. Qazirge deıin oblysta koronavırýs ınfeksııasyn juqtyrǵandar sany 700 adamnan asty. Oblystyq densaýlyq saqtaý basqarmasynyń málimetinshe, aımaqtaǵy indetpen kúres jumysy qalypty júrip jatyr. Qazir barlyq emhanar men aýrýhanalar negizgi qyzmetin atqarýda. О́ńirdegi "Jedel járdem" stansasy da qalypty rejımde jumys istep tur eken, - dep jazady Egemen.kz

"Búginge deıin oblysta turǵyndar tarapynan shaǵymdanýshylar kóp bolǵanymen, aýrýhanalarda oryn tapshylyǵy sezile qoıǵan joq. Adamdardyń óz densaýlyǵyna alańdaýy oryndy, sondyqtan kez kelgen suraq boıynsha emdeýshi dáriger men "Jedel járdem" qyzmetine habarlasýshylardyń sany artqany anyq. Mundaı jaǵdaıdyń Taldyqorǵan qalasy boıynsha kóbeıgeni baıqaldy. Biraq, dárigerler ár shaǵym boıynsha jumys istep jatyr. "Jedel járdem" qyzmeti asa aýyr jaǵdaıdaǵy naýqastarǵa birinshi kezekte kómek kórsetýde. Qala aýrýhanalarynda oryn sany jetkilikti. Naýqastyń sıpatyna qaraı aýrýhanalarǵa bólip ornalastyrý qolǵa alynǵan", dedi bizge oblystyq densaýlyq saqtaý basqarmasynyń baspasóz hatshysy Láılim Áýbákirova.

Alaıda, oblys ortalyǵyndaǵy jaǵdaı baqylaýda bolǵanymen, 2 mln turǵyny bar oblystaǵy ahýaldy tolyqqandy oń baǵalaýǵa kelmeıdi eken. Ásirese, aýyldyq óńir turǵyndary tarapynan medısına mekemelerine kómek surap kelýshiler sany artypty. Mundaı jaǵdaı Almaty qalasy mańyndaǵy aýdandarda baıqalyp otyr eken. Mysaly, Ile, Talǵar, Eńbekshiqazaq, Qarasaı aýdandaryna qarasty aýyldardyń turǵyndary maman dárigerlerdiń tapshylyǵy men "Jedel járdem" stansasynyń jumysyna kóńili tolmaıtynydyǵyn aıtyp, shaǵymdanýda. Jalpy Almaty oblysynyń jekelegen aýdandarynda "Jedel járdem" qyzmetiniń bir brıgadasy 10 000 turǵynǵa qyzmet kórsetýge májbúr eken. Sondaı-aq, oblystyń densaýlyq saqtaý salasynda kadr tapshylyǵy qatty sezilip otyr. Buǵan deıin oblys ákiminiń esebinde aımaqta 214 mamanǵa suranys bar ekeni másele retinde kóterilgen edi.

Soǵan qaramastan oblys dárigerleri dertpen kúreste barlyq múmkindikti paıdalanýda. Olardyń qatarynda Qapshaǵaı qalasynyń aq jeleńdi abzal jandary da bar. Derek boıynsha, qazirge deıin Qapshaǵaı qalasynda 170 adam "vırýstyq pnevmonııa" dıagnozymen aýrýhanaǵa jatqyzylǵan. Qaladaǵy aýrýhanyń terapııa jáne balalar aýrýlary bólimsheleri qaıta jabdyqtalyp, provızorlyq bólimge aınalyp, oryn sany 180 tósekke deıin kóbeıgen. Barlyq palatalarda ottegi tasymaldaıtyn ballondar ornatylǵan. Qala boıynsha 7 "Jedel járdem" kóligi turaqty júrip tur. Al indetpen kúres pen halyqqa medısınalyq járdem kórsetý jumystary Panfılov aýdanynda da algorıtm boıynsha júrgizilýde. Eldi mekenderde táýlik boıyna kezekshilik uıymdastyrylǵan eken.

"Aýdan boıynsha 3 jedel top qurylǵan. Olardyń negizgi jumysy kúndelikti monıtorıng jasaý. Aýyr jaǵdaıdaǵy naýqastardy qarap, algorıtm boıynsha qandaı tekserýler jasaý qajettigin jáne emdelý baǵyttaryn aıqyndaıdy. Aýdanda 30 oryndyq gospıtal, 20 oryndyq provızorlyq bólim jumys isteıdi. Ákimshik medısına qyzmetkerlerine qoldaý kórsetip otyr. Juysqa shyqqan qyzmetkerlerdiń barlyǵy qonaq úıge ornalastyrdy. Olardy tasymaldaýǵa arnaıy kólik bekitilip, kúndelikti medısına kolledjiniń 12 stýdentteri volonterlyq kómek kórsetýde. Iаǵnı, eriktiler naýqastarǵa úıine tegin alatyn dárilerin jetkizip berý, basqa da qyzmetterge kómektesetin bolady", deıdi Panfılov aýdany ákiminiń baspasóz hatshysy Nurbol Qanaǵat.

Aıtpaqshy, koronavırýs indeti oblys ákimi Amandyq Batalovty da aınalyp ótpedi. PTR test nátıjesinde vırýstyq ınfeksııa juqtyrǵany anyqtalǵan aımaq basshysy qazir Taldyqorǵandaǵy kópsalaly aýrýhananyń provızorlyq bóliminde oqshaýlanǵan. Sondaı-aq, indet juqtyrǵan Kerbulaq aýdanynyń ákimi Mahabbat Bıgeldıev te tıisti em-dom qabyldaýda.

"Oblys ákimniń jaǵdaıy jaqsy. Provızorlyq bólimshede em qabyldaýda. Jaqynda ákim aýrýhananyń tutas bólimshesinde bir ózi ǵana jatyr degen sybys taraǵan edi, bul – jalǵan. Qazir Amandyq Batalov basqa emdelýshilermen birge dárigerler baqylaýynda, ol jatqan bólimde on bir adam oqshaýlanǵan",  deıdi oblys ákiminiń baspasóz hatshysy Ǵalymurat Júkel.

 

Almaty oblysy

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar