Úkimet • 30 Maýsym, 2020

Asqar Mamın eldegi sıfrlandyrýdy damytýdy tapsyrdy

14 ret kórsetildi

Premer-Mınıstr Asqar Mamın Bilim jáne ǵylym mınıstrligine Sıfrlyq damý mınıstrligimen jáne ákimdiktermen birlesip "sıfrlyq bilim berý" baǵdarlamasynyń aýqymdy iske qosylýyn qamtamasyz etýdi tapsyrdy, - dep habarlaıdy Egemen.kz.

"Sıfrlyq daǵdylarǵa oqytý, IT-mamandardy daıarlaý jáne qaıta daıarlaý boıynsha baǵdarlamalar ázirleý qajet. Aımaqtyq ýnıversıtetter men kolledjderge IT-mamandardy daıarlaý boıynsha aldyńǵy qatarly joǵary oqý oryndarynyń tájirıbesin masshtabtaý kerek. "Astana" halyqaralyq qarjy ortalyǵynyń tájirıbesi men usynystaryn eskerý jáne jańa kásibı standarttarǵa sáıkes bilim berý baǵdarlamalaryn jańartý boıynsha jumysty jandandyrý mindetti", - dedi A.Mamın.

Sondaı-aq Úkimet basshysy sıfrlyq damý mınıstrligine "Sıfrlyq Qazaqstan" memlekettik baǵdarlamasynyń is-sharalar keshenin ári qaraı damytýdy jáne baılanys operatorlarymen birlesip otandyq bilim berý resýrstaryna shekteýsiz qoljetimdilikti qamtamasyz etýdi pysyqtaýdy tapsyrdy.

"2025 jylǵa qaraı halyqtyń sandyq saýattylyq deńgeıin keminde 87 paıyzǵa jetkizý jáne óńirler úshin biryńǵaı jumys algorıtmin jasaý qajet", - dedi ol.

Budan basqa, Úkimet basshysy óńirler ákimdikterine zamanaýı kompıýterlik jabdyqtardy, robot tehnıkasy kabınetterin jáne sıfrlyq oqytý talaptaryna sáıkes mektepter úshin ǵylymı – tehnıkalyq oqytýdyń STEM-jańa ádisnamasyn qosymsha satyp alýdy qamtamasyz etýdi tapsyrdy.

Sońǵy jańalyqtar

Uqsas jańalyqtar