Aımaqtar • 30 Maýsym, 2020

Atyraýdyń Jylyoı aýdanyna jańa ákim keldi

358 ret kórsetildi

Oblys ákimi Mahambet Dosmuhambetovtyń ókimimen, QR Prezıdent Ákimshiliginiń kelisimimen  Jylyoı aýdanynyń  ákimi bolyp  Hálel Jamalov taǵaıyndaldy, - dep jazady Egemen.kz

Hálel Jamaluly  1962 jyly 15 tamyzda Atyraý oblysy, Jylyoı aýdany, Qulsary qalasynda dúnıege kelgen. Bilimi joǵary,  1985 jyly Almatydaǵy V.Lenın atyndaǵy Qazaq polıtehnıkalyq ınstıtýtyn  bitirgen. Mamandyǵy – ınjener-mehanık.

Eńbek jolyn 1985 jyly Ońtústik-Embi munaı barlaý ekpedısııasynda dızelıst bolyp bastap, 1985-1989 jyldary atalǵan ekpedısııada mashınıst, mehanık bolyp jumys istedi. 1989-1991 jyldary "Teńizmunaıgaz" óndiristik birlestiginiń Teńiz tehnologııalyq kólik basqarmasynda MTQ bóliminiń jetekshi ınjeneri, bólim basshysy, bas ınjener laýazymdaryn atqardy.

1991-1999 jyldary aralyǵynda kommersııalyq kásiporyn basshysy, bólim basshysy, marketıng bóliminiń bas menedjeri  boldy. 2000-2002 jyldary "Gorızont" jaýapkershiligi shekteýli seriktestiginiń bas menedjeri, 2002-2004 jyldary «Burǵylaý» jaýapkershiligi shekteýli seriktestigi dırektorynyń orynbasary bolyp jumys istegdi.

2005 jyldyń qańtarynan beri  "Gorızont" JShS bas menedjeri. Jylyoı aýdandyq máslıhatynyń 4, 5, 6 shaqyrylymdaryna  depýtat bolyp saılandy.

О́ńir basshysy Mahambet Dosmuhambetov Jylyoı aýdany ákimine  aýdannyń  áleýmettik-ekonomıkalyq damýyn jedeldetý, jumyspen qamtý, turǵyn úı, sýmen qamtamasyz etý, áleýmettik nysandar salý, qoǵamdyq qaýipsizdikti saqtaý jóninde naqty tapsyrmalar júktedi.

Sońǵy jańalyqtar

Uqsas jańalyqtar