Úkimet • 30 Maýsym, 2020

2019 jyly kóleńkeli ekonomıkany qysqartý bıýdjetke 1,5 trln teńge qosymsha tabys ákeldi

14 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda kóleńkeli ekonomıkany tómendetý jónindegi sharalar qaraldy, - dep habarlaıdy Egemen.kz.

Atqarylyp jatqan jumystar týraly Qarjy mınıstriniń mindetin atqarýshy Berik Sholpanqulov, Ulttyq ekonomıka mınıstri Rýslan Dálenov, QR Qarjy naryǵyn retteý jáne damytý agenttiginiń tóraǵasy Mádına Ábilqasymova jáne "Atameken" UKP basqarma tóraǵasynyń orynbasary Oljas Ordabaev baıandady.

Qazaqstan 2025 jylǵa qaraı kóleńkeli ekonomıka deńgeıin JIО́ 20%-nan tómen deńgeıge jetkizý mindetin qoıdy. Qabyldanyp jatqan sharalardyń nátıjesinde QR baqylaýdan tys ekonomıkasynyń úlesi 2019 jyldyń qorytyndysy boıynsha JIО́-ge 27%-dan 23,62%-ǵa deıin tómendedi. Bul bıýdjettiń kiris bóligin 1,5 trln teńgege qosymsha ulǵaıtýǵa múmkindik berdi.

QR-da baqylaýdan tys qyzmetti zańdy aınalymǵa tartýdy yntalandyrý, kedendik jáne salyqtyq ákimshilendirýdi jaqsartý arqyly zańnamalyq bazany jetildirý boıynsha turaqty jumys júrgizilýde. Máselen, bızneske qolaıly bolýy úshin jáne ımporttan nemese óndiristen bastap bólshek saýdaǵa deıin taýardyń qozǵalý ashyqtyǵyn qamtamasyz etý úshin "Vırtýaldy qoıma", "Tańbalaý" modýlderimen "ASTANA-1", "Elektrondyq shot-faktýralar" keshendi aqparattyq júıeleri iske asyrylýda. Tekserýler sanyn, bıznespen baılanysty azaıtý, sondaı-aq tekserýdi taǵaıyndaý kezinde adamı faktorǵa jol bermeý úshin "Táýekeldi basqarý júıesi" aqparattyq júıesi iske qosyldy.

Úkimet basshysy zańsyz eksporttyq-ımporttyq valıýtalyq operasııalardy joıý boıynsha usynystar engizýdi, qyzmetterdi sıfrlandyrýdy jetildirý, aqparattyq júıelerdi odan ári ıntegrasııalaý, QR aýmaǵynda taýarlardy qadaǵalaý jónindegi jumysty jalǵastyrýdy, sondaı-aq tólemder men tólem júıeleri týraly áreket etip turǵan zańnamaǵa elektrondyq aqsha ıelerin mindetti túrde sáıkestendirýge baǵyttalǵan ózgerister men tolyqtyrýlar engizý múmkindigin qarastyrýdy tapsyrdy.

Premer-Mınıstr memlekettik qoldaý sharalaryn jetildirý, artyq talaptardy qysqartý, qarjylandyrýdyń qoljetimdiligin arttyrý, ákimshilik kedergilerdi azaıtý, naqty ákimshilik salyq salý arqyly bıznestiń kóleńkeli sektordan shyǵýyn ekonomıkalyq yntalandyrý jónindegi jumysty jalǵastyrýdy tapsyrdy.

"Bıznesti ashyq júrgizý ekonomıkalyq turǵydan tıimdi bolýy tıis", — dep túıindedi A. Mamın.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar