Aımaqtar • 30 Maýsym, 2020

Almaty taǵy karantınge jabyla ma? Bılik resmı jaýap berdi

537 ret kórsetildi

Dál osy kúnderi áleýmettik jeliler men messendjerlerde bıylǵy jyldyń 30 maýsymy saǵat 00:01-den bastap belgisiz merzimge deıin qosymsha shekteý sharalaryn engizý, onyń ishinde iri saýda nysandarynyń jáne jaıaý júrginshiler aımaqtarynyń, saıabaqtardyń, skverlerdiń, qalaǵa kirip-shyǵatyn joldardyń jabylatyny týraly aqparattyń taraýyna baılanysty Almaty qalasynyń ákimdigi janynan qurylǵan koronavırýstyń taralýyn boldyrmaý jónindegi Komıssııa atalǵan aqparattyń shyndyqqa sáıkes kelmeıtinin resmı túrde málimdeıdi, - dep jazady Egemen.kz

Almatydaǵy koronavırýstyń taralýyn boldyrmaý jónindegi Komıssııa qalanyń resmı derek kózderinde jarııalanǵan aqparatty ǵana qoldanýǵa shaqyrady. Sonymen birge, jalǵan aqparatty taratqany úshin jaýapkershilikke tartylatynyn eske salamyz.

"О́z kezeginde, qala turǵyndarynan megapolıs aýmaǵyndaǵy epıdemıologııalyq rejımdi: áleýmettik qashyqtyqty, maska rejımin ustanyp, adamdar kóp jınalatyn oryndardan aýlaq júrýge shaqyramyz. Múmkindiginshe, úıden shyqpaý kerek, ásirese, jasy 65 jastan asqan adamdarǵa saq bolǵan jón", deıdi Almaty qalasynyń resmı ókilderi.

 

 

ALMATY

Sońǵy jańalyqtar

Uqsas jańalyqtar