Parlament • 30 Maýsym, 2020

Parlament VI shaqyrylymnyń besinshi sessııasyn aıaqtady

18 ret kórsetildi

Búgin Parlamentte besinshi parlamenttik sessııany aıaqtaǵan palatalardyń birlesken otyrysy ótti.

Parlament sessııasyn jabý kezinde Qazaqstan Respýblıkasynyń Memlekettik Ánurany oryndaldy.

Altynshy saılanǵan Qazaqstan Respýblıkasy Parlamentiniń besinshi sessııasy zań shyǵarý jumysynyń kólemi boıynsha da, qabyldanǵan zańdar sheshimin tabýǵa yqpal etetin mindetter boıynsha da óte aýqymdy boldy.

Sessııa barysynda Palatalardyń 3 birlesken otyrysy ótti, Májilistiń 41 jalpy otyrysynda 296 másele qaralsa,  Senattyń 25 jalpy otyrysynda 165 másele qaraldy.

Besinshi sessııa kezinde qos Palatanyń qaraýynda 161 zań jobasy boldy, onyń 98-i qabyldandy.

Búgingi kúni Parlament qabyldaǵan zańdardyń 86-ne Memleket Basshysy qol qoıyp, olar zańdy kúshine endi.

Depýtattyq korpýstyń Úkimetpen, ortalyq jáne jergilikti atqarýshy organdarmen, sondaı-aq azamattyq qoǵammen syndarly
is-qımyly Qazaqstannyń Tuńǵysh Prezıdenti – Elbasy Nursultan Ábishuly Nazarbaev aıqyndaǵan strategııalyq basymdyqtar jáne Memleket Basshysy Qasym-Jomart Kemeluly Toqaev Parlament sessııasynyń ashylýy kezindegi Qazaqstan halqyna Joldaýynda alǵa qoıǵan mindetter boıynsha tıimdi jumys isteýge múmkindik berdi.

Parlament qabyldaǵan «2020 – 2022 jyldarǵa arnalǵan respýblıkalyq bıýdjet týraly» Zań memleket saıasatynyń áleýmettik baǵyttylyǵyn tolyq kórsetedi. Áleýmettik salany damytýǵa respýblıkalyq bıýdjettiń barlyq shyǵysynyń jalpy kóleminiń 46% bólindi.

Úsh jyldyq bıýdjet shyǵystarynyń basym baptary adamı kapıtaldy damytý, sapaly densaýlyq saqtaýǵa qol jetkizýdi qamtamasyz etý, halyqty nátıjeli jumyspen qamtýdy yntalandyrý. Sonymen qatar, bıýdjet basymdyqtarynda: ekonomıkanyń naqty sektoryn ósirý, ekonomıka salalaryn tehnologııalyq jańǵyrtý jáne sıfrlandyrý úshin jaǵdaı jasaý, turǵyn úıdiń qoljetimdiligin arttyrý sııaqty shyǵys baptary bar.

Sonymen qatar, Májilis Tóraǵasy Nurlan Nyǵmatýlın jalpy otyrysta talqylaý barysynda ekonomıkalyq ósýdiń basty faktory bólinetin qarajat kólemi men olardy ıgerý emes, tıimdi josparlaý men naqty nátıjelerge qol jetkizý bolyp tabylatynyn atap ótti.

Bul máseleni depýtattyq korpýs 2019-2021 jyldarǵa arnalǵan bıýdjetke túzetýler engizý kezinde, sondaı-aq Úkimet pen Esep komıtetiniń ótken jylǵy respýblıkalyq bıýdjettiń atqarylýy týraly esepterin qaraý kezinde de kóterdi.

Sonymen qatar, Parlament depýtattary qabyldaǵan zańnamalyq túzetýler basshylardyń bıýdjet qarajatyn tıimsiz josparlaý men paıdalanǵany úshin jaýapkershilikti belgileıdi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar