Aımaqtar • 30 Maýsym, 2020

Túrkistan oblysynda 4 myńnan astam jasty áskerge shaqyrý josparlanǵan

36 ret kórsetildi

Bıyl Túrkistan oblysynan 4 myńnan astam jasty áskerge shaqyrý josparlanǵan. Qazirgi tańda Ulttyq ulandy jasaqtaý josparly túrde júrgizilýde, - dep jazady Egemen.kz

Túrkistan oblysy qorǵanys isteri jónindegi departament bastyǵy, polkovnık  N.Dıýsebaev azamattardy merzimdi áskerı qyzmetke shaqyrý júrgizý merzimderi maýsym aıynan tamyz aıyna deıin uzartylǵanyn, óıtkeni elimizdegi engizilgen tótenshe jaǵdaıdyń áreketi kezeńinde áskerge shaqyrý jáne medısınalyq komıssııalardyń jumystary toqtatylǵanyn aıtady. "Áskerge shaqyrylýshylar jáne Qarýly Kúshterin jasaqtaýǵa tartylǵan laýazymdy tulǵalar arasynda koronavırýstyq ınfeksııanyń taralýyn eskertý, aldyn alý sharalaryn kúsheıtý maqsatynda áskerge shaqyrý pýnktterdiń kireberis jerlerinde medısınalyq posttar ornalastyryldy. Jas býyndy saltanatty shyǵaryp salýlar toqtatyldy. Oblystyq medısınalyq komıssııalar quramdaryna dáriger-ınfeksıonıstter engizildi. Osyǵan oraı shaqyrýdyń negizgi tapsyrmasy áskerlerdi deni saý jáne moraldy daıarlanǵan jastarmen jasaqtaý bolyp tabylady", deıdi departament bastyǵy.

Ár ásker túrlerinde belgili bir talaptar bar, sol talaptar boıynsha áskerge shaqyrylýshy qandaı áskerı bólimderde qyzmet ótkeretini belgilenedi. Mysalyǵa: Qorǵanys mınıstrligi Ulttyq ýnıversıtetiniń áskerı-ǵylymı vzvodyn jasaqtaý úshin IT-mamandyqtary, sondaı-aq áskerge shaqyrylýshynyń densaýlyq jaǵdaıy mańyzdy, al desanttyq áskerleri jáne arnaıy taǵaıyndalǵan áskerler úshin boıynyń parametrleri 170 sm tómen emes sııaqty dene bitimderi mańyzdy, sportshylarǵa tańdaý beriledi. Alaıda osymen birge Qarýly Kúshteri mýzykanttarǵa, aspazshylarǵa, júrgizýshilerge, baılanysshylarǵa jáne kóptegen basqa mamandyqtarǵa muqtaj. "Áskerge shaqyrylǵannan jáne áskerı bólimderge kelgennen keıin olardy eki aptalyq karantınge oqshaýlaı otyryp jas býynǵa PTR-zertteý ádisimen COVID-19-ǵa zerthanalyq zertteý júrgiziledi. Karantın kezinde jas býyn medısınalyq tekserýden jáne áleýmettik-psıhologııalyq zerdeleýden, sondaı-aq bastapqy áskerı daıyndyqtan ótedi. Áskerge shaqyrylǵandardyń bóligi 6 aı ishinde birqatar áskerı mamandyqtar boıynsha oqyp, mamandar retinde áskerı bólimderge joldanatyn bolady. Budan basqa negizgi daǵdylardyń arasynda ásker jastardy tártipke, jaýapkershilikke, ózdigine úıretedi jáne dene kúshine jáne shydamdylyqqa ıe bolady", deıdi polkovnık N.Dıýsebaev.

Árıne, áskerı qyzmettiń qaýipsizdigi basty nazarda. Áskerı bólimniń ár bólmesinde beınebaqylaý júrgizilgen. Ár áskerı bólimde garnızon prokýrorynyń jáne Áskerı polısııa jasaǵy bastyǵynyń senim jáshikteri ornalasqan, hat-habarlar problemalyq máseleler boıynsha tezdetip sheshimder qabyldaý úshin mekenjaılarǵa túsedi. Kazarmanyń ár jaıǵasý oryndarynda, shtabta, ashanada, BО́P, klýbta barlyq deńgeıdegi basshylyq quramnyń, sonyń ishinde qyzmettik telefonnan qońyraý shalý úshin qoljetimdi senim telefondary týraly aqparat ornalastyrylǵan. Áskerı qyzmetshilerdiń qyzmettik árekettegi problemalary týraly ár ýaqytta olarǵa qońyraý shalýǵa nemese SMS-habarlama joldaýǵa múmkindikteri bar. Ár kelip túsken sıgnal boıynsha problemalyq máselelerdi tekserý jáne joıý boıynsha, sondaı-aq osyndaı oqıǵalardy aldaǵy ýaqytta boldyrmaý úshin aldyn alý boıynsha qajetti jumys júrgiziledi. Iаǵnı búginde elimizde azamattardyń áskerı boryshyn óteýge barlyq jaǵdaı jasalǵan. Departament bastyǵy áskerı qyzmetke qyzyǵýshy jastardyń qatary kóbeıgenin patrıotızmniń, senimniń, eldegi turaqtylyq pen birliktiń nyǵaıa túsýimen baılanystyrady.

 

 

Túrkistan oblysy

 

 

 

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar