Jańa konteınerler Nur-Sultandaǵy aýla alańdaryna ornatyldy. Olar qaıta óńdeýge jaraıtyn plastık, shyny, qaǵaz sııaqty qaldyqtardy jınaýǵa arnalǵan, dedi Qorshaǵan ortany qorǵaý jáne tabıǵatty paıdalaný basqarmasynyń bólim basshysy Almaz Rysalıev.
"Olar tolyqtaı janbaıtyn metalldan jasalǵan. Kishigirim qoqysty tastaýǵa bolatyn arnaıy qaqpaǵy bar. Ar tor arqyly onyń ishindegi qaldyqtardy kórýge bolady. Syrtynda plastık, qaǵaz, shyny men metall tastaýǵa bolatyny jazylǵan", dedi A.Rysalıev.
Atalǵan joba pılottyq bolyp tabylady. Sary tústi konteınerlerdi órtep, sondaı-aq qoqysty suryptap tastamaǵany úshin órtke tózimdi torly konteınerge kóshý týraly sheshim qabyldandy. Elorda aýmaǵynda qazir 6 myńnan astam sary konteıner ornatyldy.
Eske sala keteıik, astanada qatty turmystyq qaldyqty suryptap jınaýdy uıymdastyrý jobasy 2018 jyldyń maýsym aıynda bastaldy. Sary konteınerler qurqaq qaldyqty, ıaǵnı metall, plastık, qaǵaz ben shynyny salýǵa kózdelgen. Al jasyl tústi jáne sınktelgen konteınerlerge tamaq jáne organıkalyq qaldyqtardy salý kerek.
