Úkimet • 30 Maýsym, 2020

1,2 mln-nan astam adam sıfrlyq saýattylyqqa oqytyldy

15 ret kórsetildi

Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev Premer-Mınıstr Asqar Mamınniń tóraǵalyǵymen ótken Úkimet otyrysynda adamı kapıtaldy damytý boıynsha júrgizilip jatqan jumystar týraly baıandama jasady. Bul týraly primeminister.kz habarlady, - dep jazady Egemen.kz

"Sıfrlyq Qazaqstan" memlekettik baǵdarlamasynda adamı kapıtaldy damytý bes mańyzdy baǵyttyń biri sanalady. Jalpy, adamı kapıtal el ekonomıkasynyń damýyna úlken áser etedi.

Búgingi kúni el halqynyń sıfrlyq saýattylyq deńgeıi 82,1%-dy quraıdy. Joǵary kórsetkishtiń arqasynda Qazaqstan sıfrlandyrý boıynsha jaqsy nátıjelerge qol jetkizýde.

"Jalpy, AT salasynda adamı kapıtaldy damytýdyń nátıjesinde búgingi tańda sıfrlandyrýdyń jalpy ekonomıkalyq tıimdiligi 802,5 mlrd teńgeni qurady. Ártúrli salada 120 myńnan astam jumys orny quryldy. Otandyq startaptarǵa 38 mlrd jýyq ınvestısııa tartyldy. Halyqaralyq reıtıngterde jaqsy jetistikter kórsettik. Bul jumys ári qaraı da jalǵasatyn bolady",  dedi mınıstr.

Búgin Memleket basshysy Qasym-Jomart Toqaevtyń tapsyrmalaryn oryndaý aıasynda memlekettik baǵdarlamaǵa ózgerister engizilýde. Atap aıtqanda, bıznes pen ekonomıka salalaryn sıfrlandyrýǵa erekshe nazar aýdarylady.

Onyń ishinde ekonomıkany sıfrlandyrýdyń basty draıveri retinde 10 tehnologııalyq platforma irikteldi. Nátıjesinde jańa joǵary tehnologııalyq kompanııalar paıda bolýda. Bul úshin birinshi kezekte joǵary bilikti AT-mamandar qajet. Búginde AT-mamandarǵa jyl saıynǵy qajettilik 30 myńnan astam adamdy quraıdy.

"Búginde balalar 1 synyptan bastap ınformatıka pánin oqıdy. Al 3-4 synyptan bastap baǵdarlamalaý negizderin úırenedi. El boıynsha AT-zerthanalary men robot tehnıkasy klastarynyń sany artyp keledi. Basqasha aıtqanda, zamanaýı talaptarǵa jaýap beretin sıfrlyq mandardy daıarlaý mektep partasynan bastalady. Bul óte qýantady",  dedi A.Jumaǵalıev.

Búgingi tańda elimizde AT-mamandaryn daıyndaıtyn eki mamandandyrylǵan JOO bar. Olar jetekshi halyqaralyq seriktestermen birlesip oqý baǵdarlamalaryn ázirleıdi.

Sonymen qatar úzdik 10 JOO pýly quryldy. Olar sondaı-aq halyqaralyq ýnıversıtettermen birge ózderiniń oqý baǵdarlamalaryn daıyndady. Atalǵan JOO-lar AT-mamandardy oqytý júıesiniń ózegi bolyp tabylady.

Búgingi tańda elimizde bolashaq mamandardy daıarlaýdyń tıimdi tásilderi engizilýde. Sıfrlyq daǵdylardy meńgergen aýdıtorııany qamtý úshin barlyq óńirde baǵdarlamalaý mektepteri sııaqty túrli bastamalar engizilgen. Onyń ishinde sıfrlyq daǵdylary qalyptaspaǵan adamdarǵa arnalǵan baǵdarlamalar engizildi.

Sondaı-aq AT-naryǵynda jeke baǵdarlamalar ázirlenýde. Mysaly, Beeline, Kaspi Bank, Chocofamily sııaqty kompanııalar óz bastamalaryn engizdi.

Sonymen qatar keleshekte ındýstrııadaǵy middle jáne senior kadrlardyń tapshylyǵyn jabatyn joǵary bilikti AKT-mamandar daıarlaý júrip jatyr. Búginde olardy Alem jáne QWANT baǵdarlamalaý ınnovasııalyq mektepteri daıyndaıdy. Mundaı mektepterdiń tıimdiligi halyqaralyq praktıkada dáleldengen, sondyqtan SDIAО́M Almaty, Qaraǵandy, Shymkent qalalarynda osyndaı AT-mektepterdi ulǵaıtýdy usynady.

Bilim berýdegi zamanaýı tásilderdiń biri — ónimdik-baǵdarlanǵan bilim berý. Belgili n'Factorial mektebi osy ádis boıynsha óz baǵdarlamasyn jańartty.

Jaqynda Qazaqstannyń ashyq ýnıversıteti iske qosyldy. Bul — Cougѕega-nyń otandyq analogy, eldegi onlaın-bilimniń birinshi baǵyty.

Memleket basshysynyń tapsyrmasy boıynsha qurylǵan Astana Hub ınnovasııalyq kompanııalardy tartý ortalyǵy ǵana emes, AT-mamandar úshin bilim berý alańy bolyp tabylady.

Hab bazasynda qazirgi zamanǵy jabdyqtarmen jabdyqtalǵan otandyq jáne sheteldik AT-kompanııalardyń prototıpteý zerthanalary men R&D ortalyqtary jumys isteıdi.

25 zerthanada oqytý Smart City, jasandy ıntellekt, 5G, Blockchain jáne Big Data sııaqty perspektıvaly baǵyttar boıynsha ótedi.

2019 jyldan bastap tehnoparkter jelisi arqyly óńirlerde quzyrettilikti arttyrý boıynsha belsendi jumys júrgizildi.

Sıfrlyq saýattylyqty arttyrý sheńberinde Mınıstrlik jergilikti atqarýshy organdarmen birlesip sıfrlyq saýattylyq, elektrondyq úkimetti paıdalaný, elektrondyq kommersııa jáne aqparattyq qaýipsizdik kýrstaryn ótkizdi.

Sonyń nátıjesinde 2 jyl ishinde sıfrlyq saýattylyq kýrstarynda 1,2 mln-nan astam adam oqytyldy. Bıyl 400 myńnan astam azamatty oqytý josparlanýda. Búginde pandemııaǵa baılanysty sıfrlyq saýattylyq kýrstary onlaın ótkiziledi.

Sonymen qatar kásibı kadrlar arasynda sıfrlyq saýattylyqty arttyrý boıynsha aýqymdy jumys júrgizildi. Atap aıtqanda, Densaýlyq saqtaý, Aýyl sharýashylyǵy, Eńbek jáne halyqty áleýmettik qorǵaý, Bilim jáne ǵylym mınıstrlikterinde kásibı kadrlardyń daǵdylaryn damytý boıynsha belsendi jumys júrgizildi. Eki jylda 1,2 mln-ǵa jýyq maman oqytyldy. Jumystyń negizgi maqsaty eńbek ónimdiligin 50%-ǵa deıin arttyrý jáne jumys sapasyn jaqsartý bolyp tabylady.

Búginde damyǵan ınfraqurylym sıfrlyq saýattylyqty arttyrýǵa áser etedi. Ásirese aýyldyq eldi mekenderde.

Aıta ketý kerek, qazirgi tańda elimiz álemdegi Internet qoljetimdiligi boıynsha kóshbasshylardyń biri sanalady. Eldegi ınternetpen qamtý deńgeıi 86,8% quraıdy.

Qazirgi tańda elimizde aýyldyq eldi mekenderge keń jolaqty ınternet júrgizý boıynsha iri joba júzege asyrylýda. Nátıjesinde ınternetke qoljetimdilik deńgeıi 99,3%-ǵa jetedi.

"Internetke qoljetimdilik bizdiń azamattarymyzǵa, sonyń ishinde aýyl turǵyndaryna sıfrlyq ekonomıkany, onlaın-bilim berýdi damytýǵa jáne qashyqtan jumysqa belsendi qatysýǵa múmkindik beredi", dedi A. Jumaǵalıev.

Sóz sońynda mınıstr joǵaryda atalǵan tehnologııalyq platformalar el ekonomıkasy salalaryn damytýǵa baǵyttalǵanyn atap ótti.

Tıisti nátıjelerge qol jetkizý úshin sıfrlyq daǵdylary bar kásibı kadrlardy daıarlaý jáne halyq arasynda sıfrlyq saýattylyqty arttyrý jónindegi jumys jalǵasady.

Osy baǵytta 2025 jylǵa deıin AT-daǵdylary bar 1,8 mln qyzmetker jáne 370 myń joǵary bilikti maman daıarlanady. Jalpy, júrgizilip jatqan jumys nátıjesinde 2025 jylǵa qaraı sıfrlyq saýattylyq deńgeıi 87%-ǵa jetedi.

 
Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar