Qazaqstan • 30 Maýsym, 2020

"Abai tv" mádenı-aǵartý telearnasynyń tusaýy kesildi

40 ret kórsetildi

"Qazaqstan" teleradıokorporasııasy jańa "Abai tv" mádenı-aǵartý telearnasynyń  resmı tanystyrylymyn ótkizdi, - dep habarlaıdy Egemen.kz

Aqparat keńistigine "Aqyl oıdyń aınasy" degen uranmen jol tartqan "Abai tv"  telearnasy ulttyq jáne álemdik óner men mádenıettiń injý-marjanyn, túrli ulttardyń ádebı jáne tarıhı mura jaýharlaryn, spektakl, balet sııaqty bekzada óner túrlerin qalyń buqaraǵa usynady.

QR Prezıdenti Ákimshiligi Basshysynyń birinshi orynbasary Dáýren Abaevtyń aıtýynsha, mádenıet óziniń órkenıettik rólinen basqa árqashan mańyzdy mıssııany atqaryp keldi. Ol tarıhtyń eń aýyr sátterinde halyqqa kúsh pen úmit berdi. Onymen tildesý - bul ulttyń rýhanı ómirin baıytýdyń tásili ǵana emes, sonymen birge, azamattarǵa materıaldyq kómek kórsetýmen qatar, olarǵa moraldyq turǵydan qıyn jaǵdaıda kómektesýge tyrysatyn memlekettiń mańyzdy áleýmettik mıssııasy.

"Búgin tusaýy kesiletin jańa telearna mádenı-aǵartýshylyq salaǵa úles qosýdy, ult qazynasyn toltyrýdy kózdeıdi. Jańa arnanyń "Abaı" dep atalýy tegin emes. Birinshiden, mádenı-aǵartý baǵytyndaǵy jalǵyz telearnaǵa ult rýhanııatynyń temirqazyǵy Abaıdyń atyn berý - óte oryndy. О́ıtkeni uly aqynnyń ónegeli joly áli talaı ǵasyrǵa jalǵasatyn bolady. Ekinshiden, jańa telearna tól mádenıetimiz ben dástúrimizdi nasıhattaýdy maqsat etip otyr. Bul týraly uly oıshyldyń «paıda oılama, ar oıla», «talap qyl artyq bilýge», «ásempaz bolma árnege, ónerpaz bolsań arqalan» degen ósıetterin este ustaýymyz kerek. Sondaı-aq ol óner men kásip úırenýdi baılyqtyń kiltine, ulttyń qýatyna balaǵan. Uly aqyn taǵy bir sózinde "adam balasyn zaman ósiredi» deıdi. Bizdiń jańa telearnamyzdyń jumysy da osy qazirgi dáýirdiń talabyna beıimdeledi. Zııaly qaýymnyń basty boryshy – qoǵamǵa, ásirese jastardyń boıyna tárbıeni, izgilikti, otansúıgishtikti darytý. Jańa telearna osy jolda sizderge utymdy qural, ashyq pikir alańy bolady dep oılaımyn. Osy turǵyda «Abaı» telearnasynyń ashylýy uly kemeńgerdiń mereıtoıy aıasyndaǵy shoqtyǵy bıik shara deýge bolady", - dediDáýren Abaev.

"Abai tv" arnasynyń ashylýy qazaq qoǵamy úshin úlken mereke. О́rkenıetimiz men mádenıetimiz úshin mańyzdy arnalardyń biri bolady dep senemin.  Mádenıet salasyndaǵy azamattardy telearnaǵa ónimderi men ónerlerin usynýǵa shaqyramyn» - dep atap ótti Mádenıet jáne sport mınıstriAqtoty Raıymqulova.

Jańa telearna Memleket basshysynyń tapsyrmasymen iske qosyldy jáne qazaqstandyqtardy uly Abaı murasy, Qazaqstannyń jáne búkil álemniń mádenıeti men óneriniń jetistikterimen tanystyrýǵa  arnalady. Osy baǵyttaǵy "Abaı jolyn birge oqıyq", "Sarasóz" baǵdarlamalary jaryqqa shyqty. Odan bólek, baǵdarlamalar kestesine qazaq qalamgerleriniń dramalyq shyǵarmalaryn taldaýǵa arnalǵan "Úrker", jastardyń "Jyr maıdany", qazaq mýzykasy mádenıeti men tarıhy jaıyndaǵy "Mýzyka Velıkoı stepı", spektaklder men balet qoıylymdaryna arnalǵan «Premery» baǵdarlamasy kórermenge jol tartty.

 

QR Eńbek sińirgen qaıratkeri Sultan Orazaly jańa arnaǵa «Osy bir kezdiń ózinde qıynshylyqqa qaramastan, jańa telearnanyń ashylýy, soǵan barlyq múmkindikti jasaý -  ıgi isterdiń biri. Abaıdyń aty - óte ardaqty. Osy arnada qyzmet etetin qyz-jigitterdiń moınyna óte aýyr júk artylady. Abaı atyn ıelengennen keıin Abaıdyń ádildigin, oıshyldyǵyn, sózge degen erekshe yqylasyn, ǵajaıyp jyrlary men ánderindegi náziktik pen sulýlyqty saqtap, sol bıikten kórinińizder», - degen izgi tilegin bildirdi.

Telearna qazaq jáne orys tilderinde táýligine 17 saǵat (07:00-den 00:00-ge deıin) habar taratatyn bolady. Arna «Otau TV» ulttyq spýtnıktik operatory, «Alma TV», «ID TV» kabeldik jelileri arqyly taralady.  www.abaitv.kz resmı saıty arqyly onlaın kórý múmkindigi bar.

Sońǵy jańalyqtar

Uqsas jańalyqtar