Tehnologııa • 30 Maýsym, 2020

200-ge jýyq kompanııa Facebook-ten bas tartty

76 ret kórsetildi

Amerıka qurama shtattaryndaǵy Adidas, Reebok, Ford, Coca-Cola jáne Unilever sııaqty 200-ge jýyq iri kompanııa áleýmettik jelidegi jarnamadan bas tartyp, Facebook-ke boıkot jarııalady, - dep Egemen.kz habarlaıdy.

29 maýsym kúngi Facebook aksııalary 1 paıyzǵa tómendedi. Sebebi Starbucks jáne Pepsi 28 maýsym kúni shilde men tamyz aılarynda barlyq áleýmettik jelilerde jarnamany toqtatý týraly sheshim shyǵardy. Facebook aksııalarynyń quldyraýyn eskere otyryp, eki kún ishinde naryqtyq quny 60 mıllıard dollarǵa jýyq qarajat joǵaltty.

Kompanııalardyń pikirinshe, Facebook durys emes saıasat júrgizip, óz platformasynda saıası emes pikirler jarııalaýǵa ruqsat bermegen. Kompanııalar #StopHateForProfit qozǵalysyn iske qosty ("qarjylyq paıda úshin óshpendilikti toqtatyńyz").

Degenmen, BMO Capital Markets taldaýshysy Danıel Salmon, bul boıkot Facebook-ke aıtarlyqtaı zııan keltirmeıdi dep sanaıdy. О́ıtkeni onyń platformalarynda 8 mıllıonnan astam jarnama berýshiler aqparat ornalastyrǵan.

Sonymen qatar bul boıkotqa qaramastan, saýda-sattyq nátıjeleri ınvestorlar suranysynyń arqasynda kompanııanyń aksııalary óskenin kórsetti. Bırjalardyń jabylýyna oraı Facebook aksııalary 2,11 paıyzǵa jáne 220,64 dollarǵa deıin qymbattady.

 

Sońǵy jańalyqtar

Uqsas jańalyqtar