Aımaqtar • 30 Maýsym, 2020

Batys Qazaqstan oblysynda 47 baǵana qulap qaldy

70 ret kórsetildi

Batys Qazaqstan oblysy maýsymnyń 29-y kúni bolǵan kúshti jeldiń saldarynan bolǵan shyǵyndy esepteýde dep habarlaıdy Egemen Qazaqstan. Aldyn ala boljamǵa qaraǵanda jalpy kólemi 1434 sharshymetr shatyr jelmen ushqan, elektr jelileri men Bılaın uıaly baılanys operatorynyń 47 baǵany qulap, birneshe eldimeken elektr qýatynsyz qalǵan, - dep jazady Egemen.kz

Tabıǵattyń tosyn qubylysy bolatynyn "Qazgıdromet" mekemesiniń Batys Qazaqstan oblystyq fılıaly bir kún buryn eskertken edi. Iаǵnı Batys Qazaqstan oblysynyń keı jerinde naızaǵaı oınap, burshaq jaýatyny, soltústik-shyǵystan, shyǵystan kúshi 15-20 m/s bolatyn jel soǵatyny aldyn ala eskertilgen. Aıtqandaı-aq, kúshti jel men nóserdiń ekpini keı jerde sekindyna 22 metrge deıin jetti.

Tasqala aýdanyna qarasty Oıan aýylynda kúshti jeldiń áserinen 1974 jyly salynǵan orta mektep ǵımaraty 70 sharshymetr shatyryn jel julyp áketti.

Dál osy kezde Aqjaıyq aýdanyna qarasty Bazartóbe aýyldyq okrýginde de jyldamdyǵy sekýndyna 19 metrlik jel soǵyp, mektep pen aýyl ákimdigi ǵımaraty, 12 turǵyn úı shatyry búlindi. Bul aýylda jel ushyrǵan shatyrdyń jalpy kólemi 216 sharshymetr eken.

Osyndaı jaǵdaı Syrym aýdanynda da boldy. "Túıeni shaıqaıtyndaı" kúshti jel aýdan aýmaǵyndaǵy elektr taratý jelisiniń 36 baǵanasyn qulatqan. Sóıtip, tabıǵattyń tosyn minezinen Qosoba aýylyndaǵy 126 úı men áleýmettik 4 nysan, 26 úılik Qaraqudyq aýyly, 48 úılik Kózdiǵara aýyly jáne 4 úılik Jarqamys beketi ýaqytsha jaryqsyz qaldy.

Daýyldan eń kóp zardap shekken – osy Syrym aýdany boldy. Máselen Buldyrty aýylynda ákimdik ǵımaraty, kitaphana, "Bolashaq" dúkeni jáne "Báıterek" kafesi ǵımarattarynyń proflıst shatyryn jel julyp tastady. 3 úıdiń shatyry búlindi. Qosoba aýylynda 21 úı, Jyraqudyqta – 14, Shaǵyrlyoı aýylynda – 20, Qosaral eldimekeninde 8 úıdiń shatyryn aýyl tóńkerip tastady. Aýdan boıynsha búlingen shatyrdyń kólemi 1208 sharshymetrge jetti.

Jańaqala aýdanyna qarasty Qyrqopa aýylynda bıiktigi 15 metrlik baılanys munarasyn daýyl jyǵyp ketipti. Sóıtip, aýyldaǵy 178 abonent baılanyssyz qalǵan.

"Tabıǵattyń tosyn qubylysy búgin baıqalýda" dep habarlaıdy Batys Qazaqstan oblystyq Tótenshe jaǵdaılar departamenti. Qaztalov aýdanynan jetken habarǵa qaraǵanda jyldamdyǵy sekýndyna 22 metr daýyl soǵyp, elektr tasymaldaıtyn 11 baǵandy qulatyp ketken. Qazir oqıǵa ornyna mamandar jiberilip, keltirilgen zardap kólemi anyqtalyp jatyr.

 

Batys Qazaqstan

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar