Qoǵam • 30 Maýsym, 2020

Áleýmettik qyzmetter portaly arqyly 2,7 myńnan astam ońaltýdyń tehnıkalyq quraldary berildi

20 ret kórsetildi

Osy jyldyń basynan beri Eńbek jáne halyqty áleýmettik qorǵaý mınıstrligi múgedekterge arnalǵan áleýmettik qyzmetter portalyn iske qosty. Búgingi kúni portal arqyly 2734 ońaltýdyń tehnıkalyq quraldary berildi. Shamamen 3000 tapsyrys jetkizilý satysynda, - dep habarlady atalǵan mınıstrliktiń baspasóz qyzmeti. 

Portal múgedektigi bar adamdarǵa OTQ óndirýshi men jetkizýshini óz betinshe tańdaýǵa múmkindik beredi. Kómektiń kepildik berilgen túrine tapsyrys berý elektrondyq sıfrlyq qoltańba arqyly júzege asyrylady. Tapsyrys berilgen OTQ-ny jetkizý arqyly alýǵa nemese ózińizge alyp ketý bolady.

Qazirgi ýaqytta portalda OTQ-nyń 55 túriniń 24-ine qoljetimdi. 2020 jyldyń ekinshi jartyjyldyǵynda múgedekter úshin portal arqyly jeke kómekshiler men ymdaý tili mamandarynyń qyzmetterine tapsyrys berý, sondaı-aq sanatorııalyq-kýrorttyq emdeýdi júzege asyrý úshin uıymdy tańdaý múmkindigi beriletin bolady. OTQ-nyń qalǵan túri 2021 jyly portalǵa aýystyrylatyn bolady.

Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldardy, sondaı-aq kreslo-arbalardy usynýdy qamtıdy.

Esterińizge sala keteıik, Elektrondyq resýrs múgedektigi bar adamdardy qajetti qyzmettermen jáne OTQ jetkizýshiden tikeleı qamtamasyz etý maqsatynda ázirlengen.

«Áleýmettik qyzmetter portaly» avtomattandyrylǵan aqparattyq júıesin endirý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde kózdelgen.

Portaldy paıdalaný boıynsha konsýltasııalardy koll-ortalyqtan 1411 nómiri boıynsha alýǵa bolady.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar