Úkimet • 30 Maýsym, 2020

A. Mamın Eýrazııalyq damý banki Keńesiniń otyrysyn ótkizdi

13 ret kórsetildi

Premer-Mınıstri Asqar Mamınniń tóraǵalyǵymen beınekonferensııa baılanysy rejıminde Eýrazııalyq damý banki (EADB) Keńesiniń otyrysy ótti. Bul týraly Premer-Mınıstrdiń baspasóz qyzmeti habarlady.

Otyrysqa bank aksıonerleriniń ókiletti ókilderi: Armenııadan qarjy mınıstriniń orynbasary Armen Aırapetıan, Belarýsten qarjy mınıstri Iýrıı Selıverstov jáne ekonomıka mınıstri D. Krýtoı, Qyrǵyzstannan qarjy mınıstri Baqtygúl Jeenbaeva, Reseıden qarjy mınıstri Anton Sılýanov, Tájikstannan qarjy mınıstri Faızıddın Kahhorzoda qatysty.

Otyrysty ashqan Asqar Mamın jaqynda EADB basqarma tóraǵasy qyzmetinen ketken Andreı Belıanınovqa nátıjeli jumysy úshin alǵys aıtyp, jańadan taǵaıyndalǵan Bank basshysy Nıkolaı Podgýzovqa tabys tiledi.

Otyrys barysynda Keńes EADB Sıfrlyq bastamalar qory týraly erejeni bekitti. Jańa Qordyń maqsaty — Eýrazııalyq ekonomıkalyq odaqtyń 2025 jylǵa deıingi sıfrlyq kún tártibiniń negizgi baǵyttary aıasynda iske asyrylatyn, onyń ishinde jobalardy ázirleýge jáne qarjylandyrýǵa qatysý jáne aqparattyq resýrstardy ıntegrasııalaý arqyly sıfrlyq transformasııa quraldary men tájirıbelerin qalyptastyrýǵa Bankke qatysýshy elderge kómek kórsetý.

Halyqaralyq damý bankteriniń úzdik tájirıbelerine sáıkes EADB Keńesi janynan Kadrlar jónindegi komıtet quryldy, ol týraly ereje Keńes otyrysy aıasynda bekitildi.

Keńes Eýrazııalyq damý bankiniń 2019 jylǵy jumysyn qorytyndylady – EADB qazirgi ınvestısııalyq portfeli $4,3 mlrd deıin 25,6%-ǵa ulǵaıdy. Balanstyq portfel 31%-ǵa $2,8 mlrd deıin ósti. Portfelinde eń kóp úlesi bar elder — Reseı (45,7%) jáne Qazaqstan (40,1%).

2019 jyldyń qorytyndysy boıynsha aǵymdaǵy ınvestısııalyq portfeldiń salalyq qurylymy ózgergen joq – eń úlken úles energetıkadaǵy (21,1%), kóliktegi (18,9%), qarjy sektoryndaǵy (18,7%) jobalarǵa tıesili.

2019 jyly jalpy somasy $1,3 mlrd bolatyn 27 jańa joba boıynsha kelisimge qol qoıyldy. Bank barlyq qatysýshy memleketterde óziniń qatysýyn belsendi túrde damytyp, qoldanystaǵy strategııany eskere otyryp, ulttyq damý jobalary men eleýli ıntegrasııalyq tıimdiligi bar jobalardy qarjylandyrýdy júzege asyrdy.

Bank portfelindegi ıntegrasııalyq jobalardyń úlesi maqsatty mánnen asyp, 54,4%-ǵa jetti. Banktiń qaryz alýynyń jıyntyq kólemi $2,6 mlrd qurady. 2019 jyly EADB jalpy somasy 80 mlrd teńgege bes oblıgasııa shyǵarylymyn, jalpy somasy 23 mlrd rýblge bes oblıgasııa shyǵarylymyn ornalastyrdy, sondaı-aq $201 mln eýrooblıgasııalar shyǵarylymyn ekinshi ret ornalastyrdy.

Investısııalyq portfeldiń aıtarlyqtaı ósýin eskere otyryp, EADB onyń sapasyn tıisti deńgeıde saqtaı aldy. Balanstyq portfeldegi provızııalar úlesi 2019 jyly 3,2%-dan 2,4%-ǵa deıin tómendedi. 2019 jyldyń qorytyndysy boıynsha banktiń kirisi $68,9 mln qurady. Kapıtaldyń tabystylyǵy – 3,8%.

Qazaqstanda ınvestısııalyq qyzmetti damytý úshin Qazaqstannyń Ulttyq bankimen EADB-ge 200 mlrd teńge lımıtimen qarjy tartýǵa múmkindik beretin kelisimge qol qoıýdyń mańyzy zor.

Halyqaralyq reıtıngtik agenttikter EADB qarjylyq turaqtylyǵyna joǵary baǵa berdi: Standard&Poor 's banktiń reıtıngin VVV deıin kóterdi, Moody' s agenttigi Baa1 rastady, al Fitch agenttigi BBB+ reıtıngin berdi.

Sońǵy jańalyqtar

Atyraý oblysynda kólik jarylyp ketti

Aımaqtar • Búgin, 16:55

Qashyqtan oqyp, til úıren!

Bilim • Búgin, 16:25

Aqtaýǵa reseıden 9 dáriger kómekke keldi

Koronavırýs • Búgin, 14:55

Álemdik ekonomıka úlken qaryzǵa batty

Ekonomıka • Búgin, 14:35

Atyraýda jazǵy dámhana órtendi

Aımaqtar • Búgin, 13:05

Atyraýda blok-posttar qoıylmaıtyn boldy

Aımaqtar • Búgin, 12:45

Qytaı elshiligi jalǵan aqparat taratqan

Koronavırýs • Búgin, 11:20

Araq aýrýdan aıyqtyrmaıdy

Koronavırýs • Keshe

Uqsas jańalyqtar