Qoǵam • 30 Maýsym, 2020

Qorǵanys mınıstrliginde koronavırýspen kúres jónindegi is-sharalar talqylandy

17 ret kórsetildi

Qorǵanys mınıstrliginde apparattyq keńes barysynda jeke quramdy karantındik sharalar jaǵdaıynda jaýyngerlik daıarlaý jáne oqytý máseleleri, Qarýly Kúshterdegi koronavırýs indetimen kúres jónindegi is-sharalar talqylandy, - dep habarlady atalǵan mınıstrliktiń baspasóz qyzmeti.

Qarýly Kúshterdegi jazǵy oqý kezeńinde basqarý organdary men áskerlerdi daıyndaýdyń biryńǵaı keshendi strategııalyq mindeti kózdelgen is-sharalar jalǵastyrylýda.

Qorǵanys vedomstvosy basshysy general-leıtenant Nurlan Ermekbaev aldyn ala daıyndyq júrgizý men sabaq ótkizý baǵdarlamalaryn, nysandaryn naqtylaý qajettigin atap ótti. Bilim alýshylardyń áskerlerdi qoldanýdy josparlaýdaǵy bilim men daǵdylardyń tolyqqandy keshenin meńgerý maqsatynda tolyq dınamıkalyq jaǵdaılarda daǵdarystyq jaǵdaılardyń bir mezgilde týyndaýymen jaǵdaı jasalǵan.

Atý daıyndyǵyn uıymdastyrý máselesi jeke qaraldy. Keńeste jańǵyrtylǵan baǵdarlamalardy sapaly meńgerý, jattyǵýlardy oryndaý, jeke quramnyń oqý jáne baqylaý atystaryn oryndaý qajettigi atap ótildi.

Áskerı-teńiz kúshterindegi tájirıbelik sabaqtarda korablder ekıpajdarynyń tehnıkalyq quraldar men qarý-jaraqty basqarý daǵdylaryn qalyptastyrýǵa, korabldiń tózimdiligi úshin kúreske jáne shartty jaýǵa qarsy is-qımylǵa baǵyttalǵan barlyq ekıpaj músheleriniń is-qımyldarynyń úılesimdiligine birinshi kezekte nazar aýdarý týraly nusqaýlar berildi.

Áýe qorǵanysy kúshterine jaýyngerlik oqý mindetterimen qatar eldiń áýe shepterin kúzetý boıynsha qyzmet atqarý kezinde qyraǵylyqty tómendetpeýdi, sondaı-aq Áýe qorǵanys kúshteri áskerı ınstıtýtynyń kýrsanttaryn daıarlaý baǵdarlamasynda belgilengen ushý saǵattarynyń sanyn oryndaýdy tapsyryldy. 

Juqtyrǵandardy anyqtaý, oqshaýlaý jáne emdeý boıynsha júrgizilgen aldyńǵy jumysty taldaý, sondaı-aq ınfeksııanyń taralýynyń aldyn alýdaǵy praktıkalyq tájirıbe negizinde QR Qarýly Kúshterinde kúzgi-qysqy kezeńge koronavırýspen kúres boıynsha jospar ázirlendi. Qorǵanys mınıstri obektiler men aýmaqtardy dezınfeksııalaý jónindegi is-sharalardy ótkizý salasynda jergilikti atqarýshy organdarmen ózara is-qımyldy tolyq jáne sapaly iske asyrýǵa, sondaı-aq uıymdastyrýǵa nazar aýdardy.

Belgilengen merzimderge sáıkes azamattardy Qarýly Kúshterge, basqa da áskerler men áskerı quralymdarǵa merzimdi áskerı qyzmetke shaqyrý ótedi. Keńeste shaqyrý komıssııasynyń jumysyna qoıylatyn sanıtarlyq talaptar jetkizildi. Atap aıtqanda baılanyssyz termometrııa, maskalyq rejım, áleýmettik dıstansırleý jáne úı-jaılardy óńdeý.

Áskerlerde barlyq sanıtarlyq-epıdemııaǵa qarsy talaptardyń saqtalýyn eskere otyryp, 2020 jylǵy áskerı halyqaralyq oıyndaryndaǵy jeke konkýrstardy ótkizý oryndary men komandalardy daıyndaý jalǵasýda.

Sońǵy jańalyqtar

Atyraý oblysynda kólik jarylyp ketti

Aımaqtar • Búgin, 16:55

Qashyqtan oqyp, til úıren!

Bilim • Búgin, 16:25

Aqtaýǵa reseıden 9 dáriger kómekke keldi

Koronavırýs • Búgin, 14:55

Álemdik ekonomıka úlken qaryzǵa batty

Ekonomıka • Búgin, 14:35

Atyraýda jazǵy dámhana órtendi

Aımaqtar • Búgin, 13:05

Atyraýda blok-posttar qoıylmaıtyn boldy

Aımaqtar • Búgin, 12:45

Qytaı elshiligi jalǵan aqparat taratqan

Koronavırýs • Búgin, 11:20

Araq aýrýdan aıyqtyrmaıdy

Koronavırýs • Keshe

Uqsas jańalyqtar