Aımaqtar • 30 Maýsym, 2020

Pavlodarda mobıldi rekrýttik beket-jumys isteýde

18 ret kórsetildi

Aýdanda mobıldi rekrýttik beketi turǵyndarmen jumys júrgize bastady. Beket aýdandyq jumyspen qamtý ortalyǵynda ashylǵan. Ortalyqtyń basshysy Nursulý Turlybaevanyń aıtýynsha, negizgi maqsat-jumyssyz turǵyndardy jumyspen qamtý, - dep jazady Egemen.kz

Aýyl turǵyndary arasynda alǵashqy túsindirý jumystary Novoıamyshevo aýylynda ótti. Onda jumyspen qamtý ortalyǵy, aýdandyq emhana jáne "Atameken" ulttyq kásipkerler palatasy fı-lıalynyń qyzmetkerlerinen qurylǵan top arnaıy jolǵa shyqty.

"Biz jumyspen qamtý, "Eńbek" baǵdarlamasy jáne "Jumyspen qamtýdyń jol kartasy" jobasyn túsindirý jumystaryn júrgizemiz, sonymen qatar turǵyndardyń koronavırýstan qorǵanýǵa baılanysty karantın sharalaryn saqtaý qajettigi jóninde aıtamyz", deıdi Nursulý Jumataıqyzy.

Sondaı-aq, top aýyl turǵyndaryn jastar tájirıbesinen, qysqa merzimdi kýrstardan ótip, memleketten grant alyp, óz kásibin ashýǵa nesıe resimdeı alatyndyǵy týraly aqparattandyrady.

Búginde aýdandyq Jumyspen qamtý ortalyǵy "Eńbek" baǵdarlamasy jáne "Jumyspen qamtýdyń jol kartasy" jobasy boıynsha jumys bastady.

Mysaly, Novoıamyshevo aýylyndaǵy sporttyq keshendi kúrdeli jóndeý jumystarynda 10 adam eńbek etýde.

Aýdannyń taǵy 16 jumyssyz turǵynyna Kemeńger jáne Mıchýrıno aýyldaryndaǵy "Jumyspen qamtýdyń jol kartasy" jobalaryna jumysqa ornalasý úshin joldama berildi.

"Jalpy, jyl basynan bastap ortalyǵymyzda 220 jumyssyz tirkelip, onyń 146-sy jumysqa ornalastyryldy. Jastar tájirıbesine 15 adam jiberildi. Aýyldyń 92 turǵyny qoǵamdyq jumystarǵa tartylǵan", dedi jumyspen qamtý ortalyǵynyń basshysy.

Qazir mobıldi rekrýttik beket qyzmetkerleri aýdannyń basqa da aýyldyq aýmaqtaryna baryp, turǵyndarymen túsindirý jumystaryn júrgizýde.

 

Pavlodar oblysy,

Pavlodar aýdany

 

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar