Aımaqtar • 30 Maýsym, 2020

"Biz Birgemiz" aksııasy halyqtyń birligin kórsetti

19 ret kórsetildi

Búgin Petropavlda "Biz Birgemiz" respýblıkalyq aksııasyna qatysqan eriktilerdi "Nur Otan" partııasy SQOF tóraǵasy, oblys ákimi Qumar Aqsaqalov Tuńǵysh Prezıdent - Elbasy N.Nazarbaevtyń Alǵys hattarymen marapattady, - dep jazady Egemen.kz

"Nur Otan" partııasynyń kóshbasshysy qol qoıǵan Alǵys hattar 13 eriktige tapsyryldy, olardyń arasynda – bıznes, qoǵamdyq birlestikter ókilderi, jýrnalıster, sportshylar, mádenıet qaıratkerleri bar. Al jalpy oblys boıynsha osyndaı marapatqa 87 adam ıe boldy. "Indetti juqtyrý qaýpine, aýa-raıynyń qıyn jaǵdaıyna jáne basqa da qıyndyqtarǵa qaramastan, eriktiler muqtaj jandardyń úılerin aralap, olardy azyq-túlikpen, antıseptıkalyq quraldarmen qamtamasyz etti. Sondyqtan olar qandaı qurmetke bolsyn laıyqty. Eriktiler tipti úzilissiz, demalyssyz jumys istedi, kún saıyn 6-7 mekenjaıdy aralap shyqty, ózderiniń áleýmettik jaýapkershiligin, muqtaj adamdarǵa kómek kórsetýdegi erikti mindetin abyroımen oryndady. Bizdiń volonterlarymyz ústimizdegi jyldyń ózderiniń qurmetine beker atalmaǵanyn ispen dáleldedi. Rııasyz jáne adal jumystaryńyz úshin sizderge úlken rahmet", - dedi partııanyń aımaqtyq fılıalynyń tóraǵasy Qumar Aqsaqalov.

Elbasynyń atynan alǵys alǵandardyń arasynda – "Morjı Petropavlovsk 15" birlestiginiń jetekshisi Erik Maǵambetov te bar. Ol karantın kezinde joldastarymen birge Petropavlda turatyn 70 otbasyna kómek kórsetti. "Elbasy N.Nazarbaevtyń atynan alǵys alǵanyma qýanyshtymyn. Bizge kómektesip, azyq-túlik jınaýdy júzege asyrǵan adamdarǵa rahmet aıtqym keledi. Biz Instagram áleýmettik jelisinde úndeý jarııalaǵan edik, soǵan kóptegen adamdar ún qosyp, bizge qarajatpen qaraılasty. Barlyq aqsha muqtajdarǵa jetkizildi dep nyq senimmen aıta alamyn. Jumysty jaqsy úılestirgeni úshin nurotandyqtarǵa alǵys aıtamyn, qıyn kezeńde biz birge ekenimizdi dáleldedik", - dedi Erik Maǵambetov óziniń sózinde.

Eske sala ketetin bolsaq, "Biz Birgemiz" aksııasy Soltústik Qazaqstanda 18 naýryzda bastalǵan bolatyn. Ol muqtaj azamattarǵa azyq-túlik, birinshi qajettiliktegi taýarlardy, antıseptıkalyq jáne qorǵanys quraldaryn jetkizýdi ózderine maqsat etti. Nátıjesinde eriktiler oblystyń 2,5 myńnan astam turǵynyna kómek kórsetti. Sonyń ishinde muqtaj turǵyndardyń árqaısyna 50 myń teńge kóleminde qarjylaı kómek kórsetilip, barlyǵy 944 mln. teńge qarajat taratyldy.

 

Soltústik Qazaqstan oblysy

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar