01 Shilde, 2020

Uly aqynnyń ónegesin dáripteıtin jańa arna

31 ret kórsetildi

Aqparat keńistigine «Aqyl oıdyń aınasy» degen uranmen jol tartqan «Abai tv» mádenı-aǵartý telear­nasynyń resmı tanystyrylymy ótti. Saltanatty sharaǵa Prezı­dent Ákimshiligi Basshysynyń birin­­­shi orynbasary Dáýren Abaev, Má­de­­nıet jáne sport mınıstri Aq­­to­ty Raıymqulova, Aqparat jáne qoǵam­dyq damý mınıstri Aıda Balaeva, ǵalym Namazaly Omashev, Qazaq ulttyq óner ýnıversıtetiniń rek­tory Aıman Musaqojaeva qatasty.

Jumysyn endi bastaǵan telearna ulttyq jáne álemdik óner men mádenıettiń injý-marjandaryn, túrli ulttardyń ádebı jáne tarıhı jaýharlaryn, túrli spektaklder men qoıylymdardy qalyń buqaraǵa usynbaq.

 «Búgin tusaýy kesilip otyrǵan jańa telearna mádenı-aǵartýshylyq salaǵa úles qosýdy, ult qazynasyn toltyrýdy kózdeıdi. Jańa arnanyń «Abaı» dep atalýy tegin emes. Birinshiden, mádenı-aǵartý baǵytyndaǵy jalǵyz telearnaǵa ult rýhanııatynyń temirqazyǵy Abaıdyń atyn berý – óte oryndy. О́ıtkeni uly aqynnyń ónegeli joly áli talaı ǵasyrǵa jalǵaspaq. Ekinshiden, jańa telearna tól mádenıetimiz ben dástúrimizdi nasıhattaýdy maqsat etip otyr. Bul turǵyda uly oıshyldyń «paıda oılama, ar oıla», «talap qyl artyq bilýge», «ásempaz bolma árnege, ónerpaz bolsań arqalan» degen ósıetterin este ustaýymyz kerek. Sondaı-aq ol óner men kásip úırenýdi baılyqtyń kiltine, ulttyń qýatyna balaǵan. Uly aqyn taǵy bir sózinde «adam balasyn zaman ósiredi» deıdi. Jańa telearnamyzdyń jumysy da osy qazirgi dáýirdiń talabyna beıimdeledi.

Zııaly qaýymnyń basty boryshy – qoǵamǵa, ásirese jastardyń boıyna tárbıeni, izgilikti, otansúıgishtikti darytý. Jańa telearna osy jolda sizderge utymdy qural, ashyq pikir alańy bolady dep oılaımyn. Osy turǵyda «Abaı» telearnasynyń ashylýy uly kemeńgerdiń mereıtoıy aıasyndaǵy shoqtyǵy bıik shara deýge bolady», dedi Prezıdent Ákimshiligi Basshysynyń birinshi orynbasary Dáýren Abaev.

«Abai tv» arnasynyń ashylýy – qazaq qoǵamy úshin úlken mereke. Bul órkenıetimiz ben mádenıetimiz úshin mańyzdy arnalardyń biri bolady dep senemin.  Mádenıet salasyndaǵy azamattardy telearnaǵa ónimderi men ónerlerin usynýǵa shaqyramyn», dep atap ótti Mádenıet jáne sport mınıstri Aqtoty Raıymqulova.

Jańa telearna Memleket bas­shysynyń tapsyrmasymen iske qosyldy jáne qazaqstandyqtardy uly Abaı murasy, Qazaqstannyń jáne búkil álemniń mádenıeti men óneriniń jetistikterimen tanystyrý jolynda jumys istemek. Al ol úshin «Abaı jolyn birge oqıyq», «Sarasóz» baǵdarlamalary daıyndaldy. Odan bólek telearnanyń baǵdarlamalary qatarynda qazaq qalamgerleriniń dramalyq shyǵarmalaryn taldaýǵa arnalǵan «Úrker», jastardyń «Jyr maıdany», qazaq mýzykasynyń máde­nıeti men tarıhy jaıyndaǵy «Mýzy­ka Velıkoı stepı», spektakl­der men balet qoıylymdaryna arnal­ǵan «Premery» baǵdarlamasy kórer­menge jol tartpaq.

Qazaqstannyń Eńbek sińirgen qaı­ratkeri Sultan Orazaly jańa arnaǵa «Osy bir kezdiń ózinde qıynshylyq­qa qaramastan jańa telearnanyń ashylýy, soǵan barlyq múmkindikti jasaý – ıgi is. Abaıdyń aty – óte ardaqty. Osy arnada qyzmet etetin qyz-jigitterdiń moınyna aýyr júk artylady. Abaı atyn ıelengennen keıin Abaıdyń ádildigin, oıshyldyǵyn, sózge degen erekshe yqylasyn, ǵajaıyp jyrlary men ánderindegi náziktik pen sulýlyqty saqtap, sol bıikten kóriný kerek», degen izgi tilegin bildirdi.

Telearna búginnen bastap qazaq jáne orys tilderinde táýligine 17 saǵat (07:00-den 00:00-ge deıin) habar taratatyn bolady. Arnaǵa «Otau TV» ulttyq spýtnıktik operatory, «Alma TV», «ID TV» kabeldik jelileri arqyly qosylý múmkindigi bar. Sonymen qatar  www.abaitv.kz resmı saıtynan onlaın rejimde tamashalaı alasyz.

Sońǵy jańalyqtar

Araq aýrýdan aıyqtyrmaıdy

Koronavırýs • 10 Shilde, 2020

Dáriger keńesin onlaın túrde alýǵa bolady

Koronavırýs • 10 Shilde, 2020

Pnevmonııaǵa basqa ataý berilýi múmkin

Koronavırýs • 10 Shilde, 2020

Qazir tek ómir men ólim bar - Bas sanıtar

Koronavırýs • 10 Shilde, 2020

Batysta "jasyryn esirtki zerthanasy" tabyldy

Aımaqtar • 10 Shilde, 2020

Koronavırýs indeti 3 kezeńnen turady

Koronavırýs • 10 Shilde, 2020

Uqsas jańalyqtar