Jıyn barysynda mınıstr qazirgi ýaqytta jaǵdaı ınfeksııanyń úıde taralý deńgeıine ótip ketkenin atap ótti.
«Koronavırýs pandemııasy qazaqstandyqtardyń ómirine úlken áserin tıgizip jatyr. Kórshiles elderdegi qıyn jaǵdaılarǵa qaramastan memlekettiń shekaradaǵy sanıtarlyq kúzetine baǵyttalǵan kúsh-jigeri – ınfeksııanyń syrttan keletin jaǵdaılardyń barynsha aldyn alýǵa múmkindik berdi. Qazirgi ýaqytta jaǵdaı ınfeksııanyń úıde taralý deńgeıine ótip ketti. Vırýs halyq ishine tarady. Ár otbasy osynaý qıyndyqpen betpe-bet kelip otyr. 30 maýsymdaǵy jaǵdaı boıynsha Qazaqstanda koronavırýs juqtyrǵandardyń sany 40 myńǵa jetti. Keıingi aılarda medısınalyq uıymdar kúsheıtilgen rejimde jumys júrgizýde. Medısınalyq qyzmetkerler ınfeksııa juqtyrǵan adamdardy emdep, olarmen únemi qarym-qatynasta júr. Sol sebepti olar da aýyryp jatyr. Bul – kadrlyq tapshylyǵy máselesin kúrdelendirýde. Biraq resýrs jetkilikti. Biz ony da eńserip kelemiz. Úkimettik sharalardyń jańa paketi jaǵdaıdy turaqtandyrady. Densaýlyq saqtaý júıesi – áleýmettik-ekonomıkalyq jaılylyqtyń barometri bolyp qala beredi. Atap ótetin taǵy bir mańyzdy másele, qazirgi ýaqytta elimizdiń Kedendik qoımalarynda qajetti dári-dármekterdiń kóterme partııalary boıynsha qujattardy rásimdeý júrgizilýde, olar aldaǵy ýaqytta dárihanalardyń sórelerine túsedi», dedi ol.
Sonymen qatar A.Soı Úkimet 1,2 mln PTR-test test satyp alý úshin 1 mlrd teńge bólingenin málimdedi.
«Elde ókpeni kompıýterlik tomografııadan ótkizý jaǵynan kezekter paıda boldy. Búgingi tańda Qazaqstanda 135 tomograf bar. Pnevmonııany sonymen birge arzanyraq ári qoljetimdi sıfrly rengtgen apparattar arqyly anyqtaýǵa bolady. Dıagnostıkanyń bul ádistemesi COVID-2019 boıynsha em-dom klınıkalyq hattamasyna engiziledi. Naryqta otandyq óndirýshiler de shyǵarǵan birneshe dıagnostıkalyq test bar. Úkimet 1,2 mln test satyp alý úshin 1 mlrd teńge bóldi. Testter qory árdaıym tolyǵyp otyrady. Qazaqstanda qazirgi tańda 46 dıagnostıkalyq zerthana bar. Nur-Sultan qalasynda kúnine 10 myń test júrgizýge bolady. Zerthanalardyń qýatyn arttyrý maqsatynda tamyz aıynyń sońyna deıin taǵy 20 PTR-analızator satyp alý josparlanyp otyr», dedi mınıstr.
Mınıstrdiń aıtýynsha, ambýlatorlyq-emhanalyq kómek kórsetý qashyqtan jumys isteý formatyna kóshiriledi. Osylaısha ýchaskeler deńgeıinde shamamen 3 myń mobıldi brıgada qurý josparlanýda. Olar medısınalyq qyzmetkerlerdiń pasıentterge úıge barýyn, COVID-19-ǵa test alýyn qamtamasyz etedi. Emdelýshilerge keńes berip, em taǵaıyndaıdy, eńbekke ýaqytsha jaramsyzdyq paraǵyn rásimdeıdi, sondaı-aq pasıenttiń jaǵdaıyna qashyqtan monıtorıng jasaıdy.
«Bul vırýstyń aǵymynyń erekshelikteri pasıentter jıi stasıonarlyq emdeýdi jáne tynys alýdy jasandy qoldaýdy qajet etedi. Búginde el boıynsha adamdar jatqan stasıonarlyq tósek-oryn sany 60%-dy quraıdy, Nur-Sultan, Almaty qalalarynda ol 90%-ǵa jetti. El boıynsha 348 medısınalyq uıymda COVID-19 bar pasıentterdi emdeý úshin 26 myń tósek-orny uıymdastyrylǵan, tamyz aıynyń sońyna deıin stasıonarlarda qosymsha 10 myń tósek-ornyn ashý josparlanýda. Olardyń qurylymynda jabdyqtalǵan reanımasııalyq bólimder men О́JJ apparattary bar qarqyndy terapııa palatalary bolady. Qoldanystaǵy О́JJ apparattarynyń jalpy sany 3294 birlikti quraıdy, sońǵy aı ishinde 978 apparat satyp alyndy. Qosymsha 1 myńǵa jýyq О́JJ apparatyn satyp alý josparlanýda. Aıta ketetin taǵy bir jaıt, kóz jumǵan adamdardy jerleý tártibi mańyzdy bolyp otyr. Qazirgi tártipke ózgerister engizildi: endi qaıtys bolǵan adamdy sanıtarlyq-epıdemııalyq jáne gıgıenalyq normalardy saqtaı otyryp, kez kelgen zıratqa jerleýge bolady», dedi A.Soı.
Sondaı-aq ol halyq arasynda ınfeksııanyń ósýine qaramastan, Úkimette qalyptasqan jaǵdaıdan josparly túrde shyǵý boıynsha naqty kózqaras bar ekenin jáne COVID-19 boıynsha jaǵdaıdy turaqtandyrýdyń shuǵyl sharalarynyń egjeı-tegjeıli jospary jasalǵanyn atap ótti.
«Men osy rette medısına qyzmetkerleriniń janqııarlyq eńbegin atap ótkim keledi. Osyndaı qıyn ýaqytta, óz otbasylary men jaqyndaryn qaldyryp, olar óz densaýlyǵy úshin qaýipti jaǵdaıda emdelýshilerge medısınalyq kómek kórsetýdi jalǵastyrýda. Bul kásip janqııarlyq pen adaldyqty talap etetin kúrdeli hám qaýipti jumys. Osyǵan baılanysty, sizderden bizben tyǵyz qarym-qatynas jasap, medısına qyzmetkerleriniń qıyn eńbegine qoldaý kórsetýlerińizdi suraımyz», dedi A.Soı.
