Aımaqtar • 01 Shilde, 2020

Beıqamdyqqa boı aldyrýǵa bolmaıdy

18 ret kórsetildi

Tobyl óńirinde sońǵy bir aptanyń ishinde COVID-19 juqtyrǵan 173 adam anyqtalyp, naýqas sany 500-ge bir-aq jetti. Munyń syrtynda, 389 turǵyn indettiń klınıkalyq kórsetkishi joq túrin juqtyryp, vırýs tasymaldaýshy dep tanylyp otyr. Resmı derek boıynsha indet eń kóp taraǵan Qostanaı qalasynda – 177, Jitiqarada 157 jaǵdaı tirkelgen. Odan keıingi orynda Rýdnyı, Tobyl jáne Arqalyq qalasy tur.

Qaýipti indet aýyldyq eldi mekenderge de kóship jatyr. О́ńirlik jedel aqparat shtaby bergen sońǵy málimette COVID-19 juqtyrǵan 27 naýqastyń Qarabalyq, Uzynkól jáne Qostanaı aýdandarynyń turǵyndary ekeni aıtylǵan. Buǵan deıin beıqamdyqqa boı aldyryp kelgen jurt indetke qarsy jappaı jasalyp jatqan amaldyń asa mańyzdy ekenin endi ǵana túsine bastaǵandaı. О́ıtkeni ekiniń biriniń jaqyn týysy, tanysy, áriptesi «jaman tumaý» juqtyrypty degen  jamanat habar jeldeı esip tur.     

Aımaqtaǵy kúrdeli ahýalǵa baılanysty aýrýhanalardy jedel túrde jańa medısınalyq qurylǵylarmen jabdyqtaý sharalary qolǵa alynyp, bul maqsatqa bıýdjettten 2 mlrd teńge qarjy bólindi. Densaýlyq saqtaý basqarmasy basshysynyń orynbasary Anjela Beksultanovanyń aıtýynsha, emdeý mekemeleri úshin búginge deıin tósek aldyna qoıylatyn 60 monıtor, 40 jasandy demaldyrý qurylǵysy, 20 larıngoskop, 20 defıbrıllıator, 3 qandaǵy gaz quramyna taldaý júrgizetin apparat, 170 termometr, 11 myń qorǵanysh kostıými, 3,5 myń qorǵanysh kózildirigi, 800 dezınfeksııa quraly men 10 myń betperde satyp alý týraly kelisimshart jasalǵan. Bul qurylǵylardyń birazyn qazir qalalyq jáne aýdandyq aýrýhanalar paıdaǵa asyryp jatyr.

– Qazir koronavırýske qarsy qo­symsha emdeý oryndaryn kóbeıtýdi qolǵa alyp jatyrmyz. Búginde oblysta indet juqtyrǵan naýqastarǵa, olarmen baılanysta bolǵandarǵa jáne koronavırýske uqsas aýrý belgisi bar adamdarǵa arnalǵan 1488 tósek-oryn bar. Infeksııalyq stasıonarlarda COVID-19 juqtyrǵan 474 oryn bar edi. Keshe ǵana 250 oryndyq jańa emdeý mekemesin jabdyqtadyq. Men oblys turǵyndaryn sabyr saqtaýǵa shaqyramyn. Qazir oblys dárigerleri kúsheıtilgen rejimde jumys istep jatyr. Bastysy, bas sanıtarlyq dárigerdiń nusqaýyn oryndaý arqyly bizge kóp kómek tıgizetinderińizdi túsinińizder. Jasyryn jıyn ótkizýdi, qonaqqa barýdy, qonaq shaqyrýdy qoıý kerek. Úıden betalbaty shyq­pańyzdar. Jaqyndaryńyzdy, týys-týǵandaryńyzdy qorǵańyzdar, – dedi A.Beksultanova.

29 maýsym kúni tús aýa oblys orta­­ly­ǵyndaǵy qalalyq aýrýhana sýyq tıgen, tumaý juqtyrǵan jáne ókpesi qabynǵan adamdardan basqa naýqastardy qabyldaýyn toqtatyp, 250 oryndyq provızorlyq stasıonar qyzmetin atqara bastady. Densaýlyq saqtaý basqarmasy arnaıy buıryq shyǵaryp, basqa emhanalardaǵy dárigerler men medbıkelerdi osy jerge qosymsha jumyldyrdy. Qazir bul aýrýhanadaǵy salalyq dárigerlerdiń bári provızorlyq naýqastardy qabyldap, tek solardy emdeýmen aınalysyp jatyr.

Dárigerlerdiń pikirinshe, sońǵy kezdegi ahýal aımaqta karantın sharalaryn  qataıtýdy qajet etedi. «Memleket basshysy Qasym-Jomart Toqaev indettiń taralýyna qarsy kúres sharalary jónindegi keńeste koronavırýs pandemııasynyń uzaq merzimine daıyndyqty bastaýdy júktedi. Munyń syrtynda, zerthanalyq zertteýlerdiń tıimdiligin, PTR zerthanalarynyń sany men qýatyn arttyrýdy tapsyrdy. Osy oraıda, Úkimetke halyq­ty dári-dármekpen qamtamasyz etý máselesin bes kún ishinde sheshýdi, al eki kúnniń ishinde osy jyldyń naý­ryz-mamyr aıyndaǵydaı qatań karantın sharalaryn engizý boıynsha usynys ázirleý kerektigin de qadap tapsyrdy. Prezıdenttiń ásirese karantın sharalaryn kúsheıtý týraly oıymen biz de tolyq kelisemiz. О́ıtkeni turǵyndardyń saqtyq sharalaryna beıjaı qaraýynyń saldarynan qaýipti dert dendep barady. Qazirdiń ózinde oblysta aýrýdy juqtyrǵandar sany 500-ge jetip otyr. Munyń bári saqtyq sharalaryna nemquraılylyq tanytqannyń kesiri, – dedi oblystyq aýrýhananyń kardıologııa bóliminiń meńgerýshisi Ábýnasyr Sýhanov.

Búginge deıin oblysta 232 naýqas indetten aıyǵyp, 3 adam kóz jumǵan.

 

Qostanaı oblysy

 

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar