Aımaqtar • 01 Shilde, 2020

Jetisý indetpen qalaı kúresýde?

26 ret kórsetildi

Juqpaly indettiń taralýy Jetisý jerinde de órship tur. Qazirge deıin oblysta koronavırýs ınfeksııasyn juqtyrǵandar sany 700 adamnan asty. Oblystyq densaýlyq saqtaý basqarmasynyń málimetinshe, aımaqtaǵy indetpen kúres jumysy qalypty júrip jatyr. Qazir barlyq emhana men aýrýhanalar negizgi qyzmetin atqarýda. О́ńirdegi «Jedel járdem» stansasy da qalypty rejimde jumys isteýde.

– Búginge deıin turǵyndar tarapynan shaǵymdanýshylar kóp bolǵanymen, aýrýhanalarda oryn tapshylyǵy sezile qoıǵan joq. Adamdardyń óz densaýlyǵyna alańdaýy oryndy, sondyqtan kez kelgen suraq boıynsha emdeýshi dáriger men «Jedel járdem» qyzmetine habarlasýshylardyń sany artqany anyq. Mundaı jaǵdaı­dyń Taldyqorǵan qalasy boıynsha kóbeıgeni baıqaldy. Biraq dárigerler ár shaǵym boıynsha jumys istep jatyr. «Jedel járdem» qyzmeti asa aýyr jaǵdaıdaǵy naýqastar­ǵa birinshi kezekte kómek kórsetýde. Qala aýrýhanalarynda oryn sany jetkilikti. Naýqastyń sıpatyna qaraı aýrýhanalarǵa bólip ornalasty­rý qolǵa alynǵan, – dedi oblystyq den­saý­lyq saqtaý basqarmasynyń bas­pasóz hatshysy Láılim Áýbákirova.

Alaıda oblys ortalyǵyndaǵy jaǵdaı baqylaýda bolǵanymen, 2 mln turǵyny bar oblystaǵy ahýaldy tolyqqandy oń baǵalaýǵa kelmeıdi. Ásirese aýyldyq óńir turǵyndary tarapynan medısına mekemelerine kómek surap kelýshiler sany artty. Mundaı jaǵdaı Almaty qalasy mańyndaǵy aýdandarda baıqalyp otyr. Mysaly, Ile, Talǵar, Eńbekshiqazaq, Qarasaı aýdandaryna qarasty aýyldardyń turǵyndary maman dárigerlerdiń tapshylyǵy men «Jedel járdem» stansasynyń jumysyna kóńili tolmaıtynyn aıtyp, shaǵymdanýda. Jalpy, Almaty oblysynyń jekelegen aýdandarynda «Jedel járdem» qyzmetiniń bir brıgadasy 10 myń turǵynǵa qyzmet kórsetýge májbúr bolyp otyr. Sondaı-aq oblystyń den­saýlyq saqtaý salasynda kadr tapshy­lyǵy qatty seziledi. Buǵan deıin oblys ákiminiń esebinde aımaqta 214 mamanǵa suranys bar ekeni aıtylǵan edi.

Soǵan qaramastan oblys dárigerleri dertpen kúreste barlyq múmkindikti paıdalanýda. Olardyń qatarynda Qapshaǵaı qalasynyń aq jeleńdi abzal jandary da bar. Derek boıynsha, qazirge deıin Qapshaǵaı qalasynda 170 adam «vırýstyq pnevmonııa» dıag­nozymen aýrýhanaǵa jatqyzylǵan. Qaladaǵy aýrýhananyń terapııa jáne balalar aýrýlary bólimsheleri qaıta jabdyqtalyp, provızorlyq bólimge aınalyp, oryn sany 180 tósekke deıin kóbeıgen. Barlyq palatada ottegi tasymaldaıtyn balondar ornatylǵan. Qala boıynsha 7 «Jedel járdem» kóligi turaqty júrip tur. Panfılov aýdanynda da indetke qarsy jumystar algorıtm boıynsha júrgizilýde. Eldi mekenderde táýlik boıyna kezekshilik uıymdastyryldy.

– Aýdan boıynsha 3 jedel top qurylǵan. Olardyń negizgi jumysy kúndelikti monıtorıng jasaý. Aýyr jaǵdaıdaǵy naýqastardy qarap, algorıtm boıynsha qandaı tekserýler jasaý qajettigin jáne emdelý baǵyttaryn aıqyndaıdy. Aýdanda 30 oryndyq gospıtal, 20 oryndyq provızorlyq bólim jumys isteıdi. Ákimshilik medısına qyzmetkerleri­ne qoldaý kórsetip otyr. Jumysqa shyqqan qyzmet­kerlerdiń barlyǵyn qonaqúıge ornalastyrdy. Olardy tasymaldaýǵa arnaıy kólik bekitilip, kúndelikti medısına kolledjiniń 12 stýdenti volonterlik kómek kórsetýde. Iаǵnı eriktiler naýqastarǵa úıine tegin alatyn dárilerin jetkizip berý, basqa da qyzmetterge kómektesedi, – deıdi Panfılov aýdany ákiminiń baspasóz hatshysy Nurbol Qanaǵat.

 

Almaty oblysy

 

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar