Qoǵam • 01 Shilde, 2020

Elordada qalaı jumysqa ornalasýǵa bolady?

9 ret kórsetildi

"Jumyspen qamtýdyń jol kartasy" memlekettik baǵdarlamasyn iske qosý – elordada pandemııa kezinde jumyspen qamtýdy qamtamasyz etý sharalarynyń biri. Onyń maqsaty – jumyssyzdyqqa jol bermeý jáne qosymsha jumys oryndaryn qurý, dep habarlady ákimdiktiń resmı saıty.

Baǵdarlama aıasynda birqatar iri ınfraqurylymdyq nysannyń qurylysy júrgizilýde. Sonymen, №49 mektepti kúrdeli jóndeý kezinde 98 jańa jumys ornyn ashý josparlanýda, onyń 55-i Halyqty jumyspen qamtý ortalyǵy arqyly júzege asady.

Turan dańǵylynan Jıdeli (№37) kóshesine deıingi ýchaskede № 26 kósheni salý kezinde 189 jańa jumys ornyn ashý josparlanýda.

Qatysý algorıtmi mynadaı:

"Aldymen Nur-Sultan ákimdiginiń halyqty jumyspen qamtý ortalyǵyna call-ortalyq arqyly 8 717 257 88 88 nómirine habarlasý qajet. Sodan keıin jumys izdeýshiniń tilekterine súıene otyryp, ortalyq mamandary jobalarǵa laıyqty bos jumys oryndaryn tańdap, áńgimelesýge jiberedi. Baǵdarlamaǵa qatysý úshin qujattar tizimi – jeke kýálik, dıplom jáne eńbek kitapshasy (bar bolsa)", – dep túsindirdi ortalyq mamandary.

Nur-Sultan qalasynyń Jumyspen qamtý ortalyǵy óz kezeginde jumyssyzdardy jumysqa ornalastyrý monıtorıngin júrgizedi, sondaı-aq jobalarda jańa jumys oryndarynyń qurylýyna jetekshilik etedi. Baǵdarlamany iske asyrý jónindegi jedel shtab jumys isteıdi, onda jumys berýshi-merdigerlermen ózara is-qımyl jasaıtyn salalar boıynsha bólingen 12 joba ákimshisi bar.

Ákimshiler bastalǵan jumys sanyn, qurylǵan jumys oryndaryn jáne jumyspen qamtý ortalyǵy arqyly eńbekpen qamtylǵan jumyssyzdar sanyn baqylaıdy. Jumyspen qamtýdyń jol kartasy boıynsha eń kóp suranysqa ıe bos oryndar – elektrık, dánekerleýshi, slesar, montajdaýshy, VSDE kategorııaly júrgizýshi.

Aıta ketý kerek, "Jumyspen qamtýdyń jol kartasy" memlekettik baǵdarlamasy aıasynda qazirgi ýaqytta 3137 adam jumyspen qamtylǵan. Nur-Sultan qalalyq jumyspen qamtý ortalyǵy 7 628 adamǵa jumys berýdi josparlap otyr. 101 uıymmen nıet hattamasy jasaldy. Elorda turǵyndary ár túrli salada iske qosylǵan 95 ınfraqurylymdyq joba boıynsha jumysqa tura alady.

Sońǵy jańalyqtar

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar