Qoǵam • 01 Shilde, 2020

Qazaqstanda kúnine 800 tonnadan astam qus eti óndiriledi

10 ret kórsetildi

Jyl basynan beri elimizde qus etiniń óndirisi ótken jylmen  salystyrǵanda 6,3% ósti. Qańtar men mamyr aralyǵynda 100 myń tonnaǵa jýyq ónim óndirildi, dep habarlaıdy Aýyl sharýashylyǵy mınıstrliginiń baspasóz qyzmeti.

Qazaqstanda qus etin 24 qus fabrıkasy shyǵarady. Kún saıyn olar 800 tonnaǵa deıin ónim óndiredi (Aqmola oblysynda - 200 tonnadan astam, Almatyda - 350-ge jýyq, Aqtóbe men Atyraýda - 7 tonnaǵa, Shyǵys Qazaqstan oblysynda - 130, Batys Qazaqstan, Jambyl jáne Qaraǵandy oblystarynda - 20-dan astam, Qostanaı jáne Pavlodar -14, SQO - 6, OQO - 45 tonnaǵa jýyq).

 

Jyl sońyna deıin barlyq sharýashylyqtar 300 myń tonnaǵa jýyq et óndiredi dep kútilýde.

Aıta ketý kerek, 2019 jyly respýblıkada 223 myń tonna qus eti óndirildi, al 2018 jyly 192 myń tonna. О́ndiristiń turaqty ósýine baılanysty qus etiniń ımporty 4% -ǵa azaıdy.  2018 jyly 49%  bolsa, 2019 jyly 45% -ǵa tústi.

Et óndirisin damytý baǵdarlamasyn júzege asyrýmen, sonymen qatar qus etin óndirýdi memlekettik qoldaý sharalary júıeli júrgizilgendikten qus sharýashylyǵy óziniń tıisti nátıjesin berdi. Atap aıtqanda, qus etin odan ári ımportty almastyrýǵa arnalǵan qus sharýashylyǵyn damytý baǵdarlamasy aıasynda jańa qus fabrıkalaryn salý jáne qoldanystaǵy modernızasııany qarjylandyrý sharalary qabyldanýda.

Búginde Qazaqstanda 5 qus fabrıkasynyń qurylysy jalǵasýda. Sondaı-aq, Almatydaǵy (OTAN Green Food JShS), Atyraýdaǵy («Meken Chicken» JShS) jáne Qostanaı («Komsomolskaıa ptısefabrıka» JShS) qus fabrıkalaryn jóndeý boıynsha jumystar júrgizilýde.

 

Elimizdegi joǵary sapaly ónim óndiretin qazirgi zamanǵy qus fabrıkalarynyń biri Shymkent qalasynda ornalasqan. «Shymkent qus» JShS 14 jyldan beri jumyrtqa men broıler etin óndirip keledi.

Zaýytta jylyna 115 mln jumyrtqa jáne 2 myń tonna et óndiriledi. Qazir qustardyń jalpy sany 600 myńnan asady, olardyń ishinde 400 myńǵa jýyǵy taýyqtar, 92 myńnan astam bas janýar men 115 myń broıler bar. Kompanııa 320 adamdy jumyspen qamtyp otyr, olardyń ortasha jalaqysy 105 myń teńge.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar