Qazaqstan • 01 Shilde, 2020

Turǵyndardy aldap, telefonyn urlap júrgender anyqtaldy

12 ret kórsetildi

Aqtóbe oblysynyń polıseıleri alaıaqtardyń arbaýyna túspeý kerektigin, tanys emes adamǵa senim bildirmeý qajettigin eskertedi. Bul týraly IIM baspasóz qyzmetine silteme jasaı otyryp Egemen.kz habarlaıdy.

Aqtóbe oblysynyń Polısııa departamenti aqtóbelikterdi alaıaqtardyń qurbany bolmaý úshin beıtanys adamdarǵa senbeýge jáne olardan saq bolýǵa shaqyrady. Beıtanys adamdarǵa baǵaly zattardy nemese aqshany berý kezinde qyraǵylyq kórsetip, qaıta tekserý qajet.

Máselen, 2020 jyldyń naýryz aıynda Alǵa aýdany Qumsaı aýylynyń 30 jastaǵy turǵyny ortalyq bazardyń mańynda taýar aınalymyn syltaýratyp 30 jastaǵy Aqtóbeliktiń aqshasyn alyp ketken. Senim bildirgen áıel alaıaqqa 700 myń teńge bergen. Polısııaǵa tek 2020 jyldyń maýsym aıynda ǵana aryzdanǵan. Kúdiktiden eshqaıda ketpeý týraly qolhaty alyndy.

2020 jyldyń naýryz aıynda 1989 jyly týǵan aqtóbelik Oleg Koshevoı kóshesindegi úıdiń aýlasynda aldaý jolymen 1961 jyly týǵan Aqtóbege tıesili velosıpedti alyp ketken. Polısııaǵa 2020 jyldyń maýsymynda áıelden habarlama kelip tústi. Kúdiktiden eshqaıda ketpeý týraly qolhaty alyndy.

24 maýsym kúni 1983 jyly týǵan aqtóbelik "Janar" saýda úıiniń janynda aldaý jolymen 1968 jyly týǵan turǵynnyń "Orro" markaly uıaly telefonyn alyp ketken. Kúdikti jedel-izdestirý is-sharalaryn júrgizý barysynda qolǵa tústi. Kúdiktiniń osyndaı qylmystardy jasaýǵa qatystylyǵy tekserilip jatyr. Kúdiktiden eshqaıda ketpeý týraly qolhaty alyndy.

Barlyq faktiler boıynsha QR QK 190-baby "Alaıaqtyq" boıynsha sotqa deıingi tergeý júrgizilip jatyr.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar