Aımaqtar • 01 Shilde, 2020

Murat Áıtenov farm kompanııa basshylarymen kezdesti

46 ret kórsetildi

Shymkent qalasynyń ákimi M.Áıtenov qaladaǵy farm kompanııa basshylarymen jıyn ótkizdi. Dári óndirýshiler, dárihanalyq qoıma basshylary, apteka jelileriniń dırektorlary qatysqan jıyn barysynda shahardaǵy dári-dármek tóńireginde qalyptasqan másele keńinen sóz boldy, - dep habarlaıdy Egemen.kz.

Qalanyń bas sanıtar - dárigeri Ábdimanap Tólebaevtyń aıtýynsha, shymkenttikterdi dári-dármektermen qamtamasyz etý jáne dárilerge qoıylǵan shekti baǵanyń saqtalýyna taýarlar men kórsetiletin qyzmetterdiń sapasy men qaýipsizdigin baqylaý departamenti monıtorıng júrgizip, baqylaýda ustap otyr eken.
 
Búginde dárilik zattardyń 41 ataýy boıynsha (2 iri dárihana qoımasy: "NPO Zerde" JShS, "Aqnıet" JShS, Shymkent qalasynyń 3 iri bólshek jelisi "EUROPHARMA"JShS (30 dárihana), "Zerde Farma" JShS (35 dárihana), "Murat Farma" JShS (27 dárihana) 92 dárihanada dárilik preparattarynyń qaldyǵy bar ekendigi anyqtalyp otyr.
 
Dáriler bolmaǵan jaǵdaıda dárihana uıymdary qorlaryn tolyqtyrylyp jatqanyn jetkizdi. Kúni búginge deıin dári baǵalaryna baılanysty shekti baǵadan asqan jaıt tirkelmegen. Eger de ondaı jaıt anyqtalǵan bolsa, departamenttiń biryńǵaı baılanys ortalyǵyna habarlasyp, chekti qosa kórsetý kerektigin aıtady.
 
Mamandardyń sózinshe, JRVI men pnevmonııanyń halyq arasynda keń taralýy, qala turǵyndarynyń dári-dármekke suranysyn arttyryp jibergen. Dárihanalarǵa jetkizilgen dáriler 2 saǵatqa jetpeı taýsylyp ketip jatyr eken. Máselen, qysqa ýaqyt ishinde Shymkent dárihanalary 2 aılyq qordyń dárisin satyp jibergen. Dese de, qoımalarda dáriler áli de bar. Tipti suranysqa ıe keı dárilerdi ózimizde óndirýge de bolady.
 
"Qazirgi tańda Shymkenttegi "138", "Resept", "TIN" dárihanalary dárilik eritindilerdi shyǵara alady. Suranys negizinde qyzmetkerler kúsheıtilgen kún tártibinde jumys jasaýda. Shetelden alyp kelinetin dárilerdiń Dárilik quraldardy saraptaý ulttyq ortalyǵynda uzaq ýaqyt turyp qalýda. Osy taraptan qoldaý kórsetýlerińizdi suraımyz" - deıdi "Farm" assosıasynyń jetekshisi Hadısha Derbesqyzy.
 
Qala turǵyndarynyń dárilerdi shamadan tys satyp alýy mamandardy ýaıymdatyp otyr. О́ıtkeni, "parasetamol" sekildi dárilerdi naýqas shamadan tys kóp ishse, aǵzasyna keri áser etetin kórinedi. Jıyndy qorytyndylaǵan qala basshysy farm kompanııa ókilderin ákimdikpen birlese jumys jasaýǵa shaqyrdy.
 
"Ákimdik tarapynan qajetti kómekter kórsetiledi. Dál qazirgi turǵyndardyń jaǵdaıyna baılanysty barshamyz kúsheıtilgen kún tártibinde jumyla jumys isteýimiz kerek", - dedi ol.
Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar