Aımaqtar • 01 Shilde, 2020

Jambyl oblysynda shekteý sharalary kúsheıtiledi

28 ret kórsetildi

Oblys ákimi Berdibek Saparbaevtyń tóraǵalyǵymen ótken Jambyl oblysynyń jedel shtabynyń kezekti  otyrysynda taıaý ýaqytta shekteý sharalaryn kúsheıtý týraly sheshim qabyldandy, - dep habarlady oblys ákimdiginiń baspasóz qyzmeti.

Shekteý sharalaryn kúsheıtý  týraly sheshim koronavırýspen aýyrǵan naýqastar sanynyń ósýine baılanysty  bolyp otyr.

29 maýsymdaǵy jaǵdaı boıynsha Jambyl oblysynda  koronavırýstyń 693 jaǵdaıy (sımptomdyq) tirkelgen desek, 100 myń turǵynǵa shaqqandaǵy kórsetkish 59,9 paıyzdy qurap otyr. Sonymen qatar, 683 sımptomsyz deregi tirkelgen. Búgingi tańda  ınfeksııalyq stasıonarda 272 naýqas em alýda.

"О́kinishke qaraı, statıstıka kóńil kónshitpeıdi. Eger 15-21 maýsym aralyǵynda óńirde 317 jaǵdaı anyqtalsa, 22-28 maýsym aralyǵynda ol – 473-ti quraǵan. Onyń 60 paıyzy Taraz qalasynda tirkelgen», - dedi jınalys barysynda taýarlar men qyzmetterdiń sapasyn baqylaý departamentiniń basshysy Berik Jarqynbekov.

Onyń aıtýynsha, kórsetkishtiń nasharlaýyna karantındik sharalardy jeńildetý jáne epıdemııaǵa qarsy sharalar algorıtmderiniń saqtalmaýy áser etken.

"Epıdemıologııalyq toptardyń júktemesiniń aýyrlyǵyn eskere otyryp, turǵyndarǵa medısına qyzmetkerleri men epıdemıologtar jetkenge deıin barlyq saqtyq sharalaryn saqtaýdy usynamyz. Atap aıtsaq, ózin-ózi oqshaýlaý, temperatýrany ólsheý, densaýlyq jaǵdaıyn baqylaý, qajet bolǵan jaǵdaıda ýchaskelik dárigerdi shaqyrtý, jumysqa shyqpaý kerek", - dedi Berik Jarqynbekov.

Departament basshysy barlyq eńbek ujymdarynyń kire beristerinde qyzmetkerlerdiń dene temperatýrasyn ólsheýdi, aýrý belgileri bar qyzmetkerlerdi jumysqa jibermeýdi, sanıtarııalyq-epıdemıologııalyq talaptardy saqtaýǵa jaýapty adamdy aıqyndaýdy, jumys kúni ishinde qolǵaptar men maskalardy paıdalanýdy, bir bólmede keminde bir metr qashyqtyqty saqtaýdy, qyzmetkerlerdi jumysqa jáne jumystan úıge qyzmettik avtokólikpen ortalyqtandyrylǵan jetkizýdi qamtamasyz etýdi usyndy.

Oblystyq densaýlyq saqtaý basqarmasynyń basshysy Marat Jumanqulov turǵyndar barlyq máseleler boıynsha táýlik boıy jumys jasaıtyn 1302, 103 baılanys ortalyqtaryna júgine alatyndyǵyn jetkizdi.

Arnaıy qurylǵan mobıldi toptar sımptomsyz naýqastardy, baılanysta bolǵan adamdardy, stasıonardan keıin ambýlatorııalyq emdeýge jiberilgen jáne sozylmaly aýrýlary bar naýqastardy baqylaıtyn bolady.

Oblys ákimi Berdibek Saparbaev qazir naqty sharalar qabyldap, koronavırýstyń pandemııasynyń sozylý jaǵdaıyna daıyndyqty búginnen bastaý qajettigin basa aıtty.

"Qazirgi tańda dárihanalarda vırýsqa qarsy jáne dene qyzýyn túsiretin dárilerdiń jetispeýshiligi ózekti bolyp tur. Mundaı jaǵdaı búkil oblys boıynsha baıqalýda. Bul máseleni sheshý úshin jaýapty vedomstvolar salalyq mınıstrlikpen, "SK-Farmasııa" kompanııasynyń ókilderimen birlesip jumys isteýi tıis. Halyq arasynda túsindirý jumystaryn júrgizip, joq preparattardyń analogtary týraly habardar etý kerek. Maskamen qamtamasyz etý máselesi de kún tártibinen túspeıdi. Moıynqum, Sarysý jáne T.Rysqulov aýdandarynda maskalardyń belgilengen baǵadan qymbatqa satylyp jatqandyǵy anyqtalǵan. Ákimderge bul sekildi máselelerdi jedel sheshýdi tapsyramyn", - dedi aımaq basshysy.

Berdibek Saparbaev koronavırýstyń aldyn alý boıynsha aqparattyq jumysty kúsheıtý qajettigin atap ótti.

"Memleket basshysy Qasym-Jomart Toqaev aýrýǵa shaldyqqan kezdegi áreketterdiń algorıtmi týraly halyqty ýaqtyly jáne sapaly aqparatpen qamtamasyz etýdi tapsyrdy. Dárigerler keńesterin  onlaın  rejımde, call-ortalyqtar jáne buqaralyq aqparat quraldary arqyly berýin uıymdastyrý qajet", - dedi oblys ákimi.

Sondaı-aq medısına qyzmetkerleriniń jetispeýshiligine baılanysty rezıdentýrada oqıtyn stýdentterdi, zeınet jasyndaǵy dárigerlerdi tartý máseleleri saralandy. Marat Jumanqulov bul baǵyttaǵy jumystar qazirdiń ózinde júrgizilip jatqandyǵyn aıtty.

"Tósek sanyn kóbeıtý boıynsha da sharalar qabyldanatyn bolady. Biz ahýaldy baqylaýda ustap, kez-kelgen jaǵdaıǵa daıyn bolýymyz kerek. Adamdar jedel járdem jumysyna jáne aýrýhanalarda oryndardyń joqtyǵyna qatysty shaǵymdanýda. Mundaıǵa jol bermeý kerek. Árbir azamat sapaly medısınalyq qyzmetpen qamtylýy tıis. Bul oraıda epıdemıologııalyq ahýaly qalypty aýdandardyń medısına qyzmetkerleri qol ushyn sozǵany durys", - dep atap ótti aımaq basshysy.

Basqosý sońynda Berdibek Saparbaev jambyldyqtardy sanıtarlyq dárigerlerdiń usynystaryn ustanýǵa shaqyryp, úndeý joldady.

Úndeýdiń tolyq mátini buqaralyq aqparat quraldarynyń betterinde jarııalanady.

Sońǵy jańalyqtar

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Ipoteka týraly zańǵa ózgerister engizildi

Aımaqtar • 04 Shilde, 2020

Arqalyqta etanoldan ýlanyp 9 adam kóz jumdy

Aımaqtar • 04 Shilde, 2020

Uqsas jańalyqtar