Aımaqtar • 01 Shilde, 2020

Pavlodar oblysynda qosymsha 3 000 provızorlyq tósek-oryn ázirlenedi

17 ret kórsetildi

Pavlodar oblysynyń ákimi Ábilqaıyr Sqaqov provızorlyq tósek-oryndar sanyn 2500-ge jetkizip, qosymsha 3000 rezervti oryn jasaqtaýdy tapsyrdy, dep habarlaıdy pavlodarnews.kz.

COVID-19-ǵa qarsy sharalardy úılestirýge arnalǵan jedel shtabtyń baspasóz ortalyǵynyń málimdeýinshe, qazirgi epıdemıologııalyq jaǵdaıǵa baılanysty osy jáne ózge de suraqtar oblys ákiminiń tóraǵalyǵymen ótkizilgen onlaın keńeste talqylandy.
 
О́tken aptada oblystaǵy provızorlyq oryndar sany 2,4 esege artyp, 1852-ge jetti.  Búgingi kúnde olardyń 94,2 paıyzy bos emes. Ábilqaıyr Sqaqov naýqastarǵa arnalǵan provızorlyq tósek-oryndar sanyn 2500-ge jetkizip, qosymsha 3000 orynnan turatyn rezervti jasaqtaýdy tapsyrdy.

"Osy maqsatty oryndaýǵa Aqsýdaǵy «Eýrazııa» medısınalyq ortalyǵynyń, "Moıyldy" shıpajaıynyń jáne ózge de mekemelerdiń resýrstary jumyldyrylady. Sonymen qatar, Pavlodardaǵy "Baıantaý" sport saraıynyń negizinde táýliktik qabyldaý-suryptaý stasıonaryn jasaqtaý josparlanǵan", - dedi baspasóz ortalyǵynda.
 
Provızorlyq stasıonarlar kóbeıgen saıyn olardy medısınalyq kadrlarmen qamtý máselesiniń ózektiligi arta túsýde. Qazirgi ýaqytta oblystaǵy túrli stasıonarlarda 1193 medısına qyzmetkeri jumys isteýde (ótken aptada +213), olardyń 763-i – provızorlyq oryndarda (+274). Oblys ákimi densaýlyq saqtaý basqarmasynyń basshylyǵyna jumysqa stýdent medıkterdi, volonterlerdi, densaýlyq saqtaý ardagerlerin tartý múmkindikterin qarastyrýdy tapsyrdy.
 
"Medısınalyq mekemelerdi dári-dármekpen ýaqytyly jáne tolyqqandy qamtamasyz etý úshin densaýlyq saqtaý basqarmasy basshysynyń mindetin atqarýshy Birjan Dosmaıylovqa "SK-Farmasııa" kompanııasymen qurylǵan ózara árekettestikten bólek, farmasevtıkalyq kompanııalarmen jáne dıstrıbıýterlermen memorandým jasasý arqyly yntymaqtastyqqa jetý tapsyrmasy berildi", - dedi baspasóz ortalyǵynda.
 
Ábilqaıyr Sqaqov medısınalyq qyzmetter men aımaq turǵyndary arasyndaǵy tıimdi kommýnıkasııanyń mańyzdylyǵyn atap ótti. Ákimniń aıtýynsha, shtatyn ýaqytsha medısına qyzmetkerlerimen tolyqtyrýǵa bolatyn 109 baılanys ortalyǵy syndy biryńǵaı call-ortalyq qajet.
 
"Turǵyndar bir qońyraýdan-aq túsinikti, tolyqqandy jáne rastalǵan aqparat alýy tıis", - dedi aımaq basshysy.
 
Sonymen qatar, ol úıde em alyp jatqan pasıentterdiń jaǵdaıyn baqylaýdy sapaly túrde júrgizýdi tapsyrdy. Dárigerler olarmen vıdeobaılanys arqyly qatynasyp, birde-bir pasıenttiń medıkterdiń nazarynan tys qalmaýyn qadaǵalap, keńes berýi tıis.

 

Pavlodar oblysy

Sońǵy jańalyqtar

Qashyqtan oqyp, til úıren!

Bilim • Búgin, 21:30

Atyraý oblysynda kólik jarylyp ketti

Aımaqtar • Búgin, 16:55

Aqtaýǵa reseıden 9 dáriger kómekke keldi

Koronavırýs • Búgin, 14:55

Álemdik ekonomıka úlken qaryzǵa batty

Ekonomıka • Búgin, 14:35

Atyraýda jazǵy dámhana órtendi

Aımaqtar • Búgin, 13:05

Atyraýda blok-posttar qoıylmaıtyn boldy

Aımaqtar • Búgin, 12:45

Qytaı elshiligi jalǵan aqparat taratqan

Koronavırýs • Búgin, 11:20

Araq aýrýdan aıyqtyrmaıdy

Koronavırýs • Keshe

Uqsas jańalyqtar