Qoǵam • 01 Shilde, 2020

Aýlalardaǵy ahýal

26 ret kórsetildi

Aýa jaıylyp, údep bara jatqan indet qarqyny kisi shoshyrlyqtaı. Qaı jaǵynan da ońaı soqpaı, qurbany da az bolmaı tur. Kúndelikti aqparatty maıdan dalasynan kelgen málimet dersiń, - dep jazady Egemen.kz.

Rasymen vırýs bılik quryp, indet órship turǵanda jaımashýaq habar qaıdan bolsyn. Naǵyz bir es jıyp, ózińniń de, mańaıyńnyń da, týǵan-týys, aýyl-aımaq, kórshi-kólemińniń de qaýipsizdigin oılar shaq týdy. О́ıtkeni aýrý jas tańdap, áli balǵyn balaýsa ekensiń, seni aınalyp óteıin dep nemese sen baısyń, sen kedeısiń dep  ajyratpaıdy, jynysyna da qarap jatqan joq.

Al osyndaı el úshin, ult úshin almaǵaıyp kezeń týǵanda árkim aq oılanýy tıis qoı. Biraq terezeden aýlaǵa kóz tikseń olaı dep aıta almaısyń. О́rip júrgen adam, ý-shý bolyp oınaǵan bala. Ana bir temir átkenshekke kúnine qansha bala  otyryp, qansha eresek ustap terbetti. Al temir, plastık betinde vırýs saqtalý qaýipi birneshe táýlikke barady emes pe?

О́zge qalalardy qaıdam, al elordada árbir tórt-bes úılik oramada dene jattyǵýlaryna arnalǵan  qanshama qurylǵylar bar. Buryn vırýs joqta sonyń barlyǵy úlken qýanysh edi. Kúnine bir mezgil shyǵyp, boıdaǵy qurys-tyrysty jazyp, qımyldap, úıge bir qyrýar sharýa tyndyrǵandaı kiretin edik. Qazir jaqyndaýǵa qorqasyń. Ol jer kádimgi qumyrsqanyń ıleýindeı, adam qujynap júr.

Keshe nan alýǵa aýladaǵy dúkenge shyqtym. Álgi jerde oınap júrgen bir balanyń qolynda ne qolǵaby, ne aýzy-murnyn japqan tumshasy joq. Analary aýzyn jaýyp, murnyn ashyp qoıyp jaıbaraqat otyr. Kóz aldymda talaı adam ustap ketken temirden qolyn jańa ǵana bosatqan bala kózin ýqalady. Janym shyǵyp kete jazdady. Balam, sen qazir aýrý bar ekenin bilesiń be? Myna temirdi ustaǵan qolyńmen eshqandaı zalalsyzdanbastan kózińdi ýqalap jatsyń, tez úıińe baryp beti qolyńdy durystap sabyndap jý dedim. Bul bir sátte shyqqanda kýá bolǵanym ǵana. Al kúnine sondaıdyń qanshamasy ótip, qansha bala vırýs juqtyrý qaýipine ushyrap jatyr. Sonda ata-ana úshin bala ómiriniń mańyzdy bolmaǵany ma? Sirá bul úlkenniń jaýapsyzdyǵy. Baýyr etine qolyna qolǵap kıgizip, betin tumshalap, antıseptıgin berip shyǵarýdyń óziniń qaýipi bar, al al jalańash, eshteńemen qarýlandyrmaı, balaǵa kózińe qolyńdy tıgizbe, aýyzyńa saq bol, aýlada eshteńeni aýzyńa salma demeı táýekel etip qoıa berý esh aqylǵa syımaıdy –aý, syımaıdy. Kózsiz erlik pe, álde múldem esh nárseniń parqyna boılap oılaı almaıtyn essizdik pe?

Balalar bir-birimen asyr salyp oınap jatqanda eń bolmaǵanda kóz salyp qoısaıshy. Úsh kelinshektiń áńgimeleri qyzǵan, balaǵa qarar shama joq. Kúnine qansha adam aýyryp jatqanyn, vırýstyń aýadan jiberilip jatqanyn áńgime etýde. Dúkenge júgirip kirip shyqqan bala táttiler alyp, oıyn alańynda turyp ózi jep, janyndaǵy dostaryna berip jatyr. Eshqaısy qolyn spırtpen súrtpedi, óıtkeni qamsyz ata-ana oıynǵa shyqqanda qaltasyna salýdy qadaǵalamasa qaıdan bolsyn. Qoldaryna tátti túskenderine máz. Aýasy jeldetilmeıtin ol dúkenge kúnine qansha adam kirip shyqty, qaısy saý, qaısy ózi bilmeı aýrý juqtyryp ony taratyp júr? Kim biledi? Qazaqtyń "Qudaı da saqtansań, saqtarmyn" degen danyshpandyǵyn basshylyqqa alatyny qaıda qalǵany belgisiz. Áıteýir aýla bitkende qamsyz júrgen halyq. Tipti kóp qabatty úılerdiń jedelsatysynyń ishine kirý de qaýipsiz emes. Balalar bolsa sonymen tumshasyz neshe ret kóterilip, neshe ret tómen túsip júr. Oılaýdyń ózi qorqynyshty.

Terezeden qarap turmyn. Áne, aýlaǵa "Jedel járdem" kelip toqtady. Ishinen appaq kıimdi bas-aıaǵy tegis tumshalanǵan medısına qyzmetkerleri tústi. Jyldam basyp ishke enip barady. Úlkendersiz ózderi ǵana oınap júrgen balalar ańtarylyp shamaly turdy da oıyndaryn ári qaraı jalǵastyra berdi. Al sol mańaıda otyrǵyshta otyrǵandar jedel oryndarynan turyp, balasyn qoldarynan jetektep úılerine kirip barady. Qalǵan balalar qala berdi. «Jedel járdem» kelgenin kózderimen kórgender balalaryn aýlaǵa qaıtyp shyǵara ma bilmeımin, al ana oınap júrgender qaperlerine de qystyrǵan joq. Bálkim Turǵyn úı basqarmalaryna qaı úıde aýrý barlyǵy jaıynda málimet túsip, ony olar ár úıdiń aýlasyna habarlandyrý tárizdi kúndelikti jańalap, ilip qoıýlary kerek shyǵar. Áıteýir eldi qulaqtandyryp, aıaqtaryn tartatyndaı etkizetin amal kerek!

Ne bolsa da aýlalardaǵy ahýal qatty alańdatady.

Sońǵy jańalyqtar

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Ipoteka týraly zańǵa ózgerister engizildi

Aımaqtar • 04 Shilde, 2020

Arqalyqta etanoldan ýlanyp 9 adam kóz jumdy

Aımaqtar • 04 Shilde, 2020

Uqsas jańalyqtar