Qazaqstan • 01 Shilde, 2020

Elimizde poıyz qozǵalysyn naqty ýaqyt rejıminde baqylap otyrýǵa bolady

42 ret kórsetildi

Qazirgi jaǵdaıda "QTJ" UK" AQ "Sıfrlyq transformasııa" sheńberinde jobalardy belsendi engizýde. Bul - ýaqyt talaby. Basty jobalardyń biri – "Poıyz qozǵalysyn basqarý ortalyǵy". Onyń aıasynda aǵymdaǵy jyldyń tamyz aıynda iske qosylýy  josparlanyp otyrǵan Aqtóbe qalasynda Batys aımaqta pılottyq polıgon qurý boıynsha jumystar júrgizilýde. Ol bes bólimsheniń Aqtóbe, Atyraý, Mańǵystaý, Oral, Qyzylorda dıspetcherlik ortalyqtaryn biriktiredi. Bul týraly "Qazaqstan temir joly" Ulttyq kompanııasy" aksıonerlik qoǵamynyń baspasóz qyzmeti habarlady.

Aqtóbe qalasynda polıgonnyń jumysyn uıymdastyrý sheńberinde batys aımaqtyń NOD jáne NJS-10,11,12,13,14  shekaralarynda tasymaldaý prosesin basqarýdy uıymdastyrý qurylymyn bir fılıalǵa tolyq reformalaý kózdelýde. Bul Aqtóbe qalasynan  barlyq batys óńirdegi poıyz qozǵalysyn jedel basqarýdy júzege asyrýǵa múmkindik beredi.

Budan basqa, pılottyq polıgondy iske asyrý tasymaldaý prosesin eki deńgeıli basqarýǵa kóshýdi qamtamasyz etedi, tranzıttik poıyzdardyń marshrýttyq jyldamdyǵyn, sondaı-aq lokomotıvter men vagondardyń kepildi ıinderin ulǵaıtýǵa múmkindik beredi, sondaı-aq dıspetcherlik sheńberlerdi qysqartady.

Áli kúnge deıin keıbir jol ýchaskelerinde poıyzdar qozǵalysyn qashyqtyqtan basqarý, baǵdarsham sıgnaldaryn retteý, dıspetcherlik ortalyqtardan poıyzdyq dıspetcherlerdiń joldardaǵy baǵyttamalardy aýystyrý múmkindigi joq. Árıne, 21 ǵasyrdyń naqty ýaqytynda,  bul qaıta qaraýdy talap etedi. Sondyqtan osy joba sheńberinde stansııalarda qosymsha jabdyq (mıkroprosessorlyq dıspetcherlik ortalyqtandyrý – MPDO) ornatylady, ol osyndaı basqarýdy júrgizýge jáne poıyz dıspetcheriniń monıtorynda naqty ýaqyt rejıminde stansııalyq joldardaǵy aǵymdaǵy jaǵdaıdy kórsetýge múmkindik beredi.

Poıyzdar qozǵalysyn basqarýdyń óńirlik ortalyǵyn qurý – poıyz jaǵdaıyn ortalyqtandyrylǵan baqylaýdy jáne barlyq derekterdi biryńǵaı «ujymdyq tabloǵa» kórsete otyryp, poıyzdar qozǵalysyn basqarýdy qamtamasyz etedi. Nátıjesinde baǵdarshamdardyń, baǵyttamalyq burmalardyń kórsetkishteri, poıyzdyń jaqyndap qalǵany týraly aqparatty berý jáne alý prosesi avtomattandyrylady. Poıyz qozǵalysyn basqarýdy ortalyqtandyrylǵan poıyz dıspetcheri qamtamasyz etetin bolady.

Qazirgi ýaqytta joba boıynsha joǵary nátıjelerge qol jetkizildi. Osylaısha, MP DO 140 jekelegen pýnktke engizildi. Jelilik-apparattyq zaldarda baılanys jabdyǵy jańǵyrtyldy, sondaı-aq temir joldardyń barlyq aýmaǵynda jyljymaly quramdy baqylaýdyń jáne sıgnal berý men baılanystyń barlyq dıstansııalary boıynsha tehnıkalyq qujattamany júrgizýdiń avtomattandyrylǵan júıeleri engizildi.

Jalpy alǵanda, "Poıyz qozǵalysyn basqarý ortalyǵy" jobasy qoldanystaǵy ınfraqurylymdy jańǵyrtýǵa baǵyttalǵan jáne Kompanııanyń Damý Strategııasynyń maqsattaryna jaýap beredi.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar