Qazaqstan • 01 Shilde, 2020

"Bolashaq" stıpendııasyn taǵaıyndaýǵa baılanysty ózgerister engizildi

155 ret kórsetildi

Halyqaralyq sharttar aıasynda shetelde oqý úshin úmitkerlerdi irikteýdiń barynsha ashyqtyǵy men aıqyndyǵyn qamtamasyz etý maqsatynda QR Bilim jáne ǵylym mınıstri A. Aımaǵambetovtiń tapsyrmasyna sáıkes "Shetelde, onyń ishinde akademııalyq oralymdylyq sheńberinde oqytýǵa jiberý qaǵıdalaryna" birqatar ózgerister men tolyqtyrýlar engizildi. Bul jóninde halyqaralyq baǵdarlamalar ortalyǵyna silteme jasap Egemen.kz habarlaıdy.

Atap óterligi, engizilgen túzetýlerge sáıkes, Qaǵıdada shetelde oqytýǵa úmitkerlerdi irikteý kezinde teń ball ıelengender úshin kelesi basymdyqtar basshylyqqa alynady:

1) jetim balalar men ata-anasynyń qamqorlyǵynsyz qalǵan balalar;

2) bala kezinen múgedekter jáne múgedek balalar;

3) kóp balaly otbasynan shyqqan balalar;

4) sheteldik joǵary oqý oryndarynan shaqyrtýy bar, sondaı-aq sheteldik joǵary oqý oryndarynda oqıtyn úmitkerler.

Adamı faktordyń qatysýymen baılanysty táýekelderdi tómendetý maqsatynda qujattardy qabyldaý avtomattandyryldy jáne «elektrondyq úkimet» veb-portaly arqyly júzege asyrylady.

Obektıvti sheshim qabyldaýdy qamtamasyz etý úshin endi jańa Qaǵıdaǵa sáıkes irikteý eki kezeńnen turady: Táýelsiz saraptama komıssııasynyń múshelerimen suhbat jáne Qorytyndy komıssııanyń sheshim qabyldaýy. Suraqtar bekitilgen reglament boıynsha qoıylady.

Sonymen qatar, konkýrs jeńimpazdarymen oqýdy aıaqtaǵannan keıin 3 (úsh) jyl merzimge Qazaqstan Respýblıkasynyń aýmaǵynda úzdiksiz eńbek qyzmetin mindetteıtin oqýǵa shart jasasý boıynsha norma engizildi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar