Qoǵam • 01 Shilde, 2020

Nur-Sultanda nóser kárizderi men tazartý qurylǵylarynyń qurylysy júrýde

14 ret kórsetildi

Altaı Kólginov birqatar nóser kárizi men tazartý qurylǵysynyń qurylysymen tanysty, - dep habarlaıdy elorda ákimdiginiń resmı saıty.

"Jastar" shaǵyn aýdanyndaǵy jańa qurylystardyń qýaty táýligine 42 myń tekshe metrden asady. Bul nóserlik sý kanalızasııasynyń ótkizý qabiletin aıtarlyqtaı jaqsartýǵa múmkindik beredi", dep jazdy óziniń Instagram paraqshasynda Nur-Sultan qalasynyń ákimi Altaı Kólginov.

Tazartý qurylǵylary Tashenov, Baraev, Ýálıhanov, Imanbaev jáne Respýblıka dańǵyldaryn jańbyr sýy basýdan qaýipsizdendiredi. Jumystardy aıaqtaý merzimi – 2021 jyl.

"Tashenov kóshesindegi uzyndyǵy 530 metrdi quraıtyn nóserli kollektor jelilerin tazarttyq. 34 tonnadan astam qoqys shyǵaryldy. Osy ýaqytta deıin jınalyp qalǵan qoqys kollektor jumysyn qıyndatty. Bıyl kúzde B.Momyshuly dańǵylyndaǵy (Daýylpaz kóshesinen Elim-aı kóshesine deıin) problemalyq ýchaskesinde nóserli káriz magıstraldy kollektorynyń qurylysyn aıaqtaımyz", – dedi Altaı Kólginov.

Osy jyldyń aıaǵyna deıin Telman eldi-mekenindegi tazartý qurylǵylary men magıstraldy kollektor qurylysy aıaqtalady. Qýaty táýligine 36 myń tekshe metrden asady. Jobany iske asyrý Telman eldi-mekeni men № 27 kóshe boıyndaǵy qurylys aımaǵynan jer ústi aǵyndaryn burýǵa múmkindik beredi.

Sonymen birge jumys istep turǵan kollektorlardy tazartý boıynsha jumystar júrgizilip jatyr. 354 km-diń 134 km-i tazartý jumystaryn qajet etedi. 2019 jyly Myńjyldyq alleıasy aýmaǵynda eki ýchaskedegi nóserlik sý káriziniń máselesi sheshildi.

Sońǵy jańalyqtar

Araq aýrýdan aıyqtyrmaıdy

Koronavırýs • 10 Shilde, 2020

Dáriger keńesin onlaın túrde alýǵa bolady

Koronavırýs • 10 Shilde, 2020

Pnevmonııaǵa basqa ataý berilýi múmkin

Koronavırýs • 10 Shilde, 2020

Qazir tek ómir men ólim bar - Bas sanıtar

Koronavırýs • 10 Shilde, 2020

Batysta "jasyryn esirtki zerthanasy" tabyldy

Aımaqtar • 10 Shilde, 2020

Koronavırýs indeti 3 kezeńnen turady

Koronavırýs • 10 Shilde, 2020

Uqsas jańalyqtar