Aımaqtar • 01 Shilde, 2020

Atyraýda dárihanany tonaǵan ury ustaldy

697 ret kórsetildi

"Dánikkennen – qunyqqan jaman" degendeı, buǵan deıin birneshe ret urlyq jasap, sotttalǵan jigit taǵy da qamaldy, - dep habarlaıdy Egemen.kz.

 

Oblystyq polısııa departamenti baspasóz qyzmetiniń habarlaýynsha, kúdikti maýsymnyń 17-nen 18-ne qaraǵan túnde dárihanany tonaǵan.

"Atyraý qalasyndaǵy Azattyq dańǵyly boıynda ornalasqan dárihanalardyń biriniń terezesin yǵystyrý arqyly kirip, ASER markaly noýtbýkty, dári-dárimekterdi qoldy etken azamat anyqtaldy. Kúdikti buryn birneshe ret urlyq qylmysymen sottalǵan. Qazir 1984 jylǵy kúdiktiustalyp, sotpen oǵan qatysty "kúzetpen ustaý" túrindegi bultartpaý sharasy sanksııalandy", dep habarlady departamenttiń baspasóz qyzmeti.

Sotqa deıingi tergep-tekserý QR Qylmystyq Kodeksiniń188-babynyń 3-bóligimen (Úı-jaıǵa zańsyz kirýimen jasalǵan urlyq) júrgizilýde.

Sońǵy jańalyqtar

Uqsas jańalyqtar