Qazaqstan • 01 Shilde, 2020

Qazaqstan joldarynda 100 myńnan astam jol belgisi ornatyldy

6 ret kórsetildi

Elimizde respýblıkalyq mańyzy bar avtomobıl joldarynyń jabyndysyn tóseý jáne jol jabyndysynyń olqylyqtaryn joıý sharalarynyń eki aılyǵy aıaqtaldy. Osy ýaqyt aralyǵynda jolshylar jyldyq jospar aıasyndaǵy jumystardyń 60% oryndady, - dep habarlady IIDM baspasóz qyzmeti.

Atap aıtanda, eki aı ishinde ornatylǵan jáne aýystyrylǵan jol belgileriniń sany  7969 birlikti quraıdy. Bul – jyldyq jospardyń 62%. Jol belgileriniń taǵy da 4922 birligi ornatylady dep josparlanýda. Budan bólek, búginge deıin jol qyzmetteri 2204 shaqyrymdyq belgilerdi nemese josparlanǵan jumystardyń jyldyq kóleminiń 86% ornatty. Qosymsha jyl sońyna deıin el joldarynda 354 belgi ornatylmaq. Sonymen qatar, jol pannolarynyń 49% ornatylyp, aýystyryldy. Jalpylaı alǵanda, jyl sońyna deıin jolshylar belgilerdiń 509 birligin ornatýy tıis.

Aıta ketý kerek, respýblıkalyq mańyzǵa ıe avtomobıl joldary jelisiniń boıynda 106 myń jol belgisi bar. Olardyń 39 200 birligi – tyıym, 28 600-i  - aldyn alý, 14 800-i – aqparattyq nusqaý, 7 500-i – nusqaý, 11 600-i – basymdyqty jáne 4 300-i – qyzmet kórsetý belgileri.

Munymen qosa, eki aılyq sheńberinde jol jabyndysynyń 277843 sharshy metrinde shuńqyrlardy jamaý jumystary júrgizilip, joldardyń 16 932 shaqyrymy tańbalandy.

Eske salaıyq, jol qozǵalysy qaýipsizdigin qamtamasyz etý maqsatynda jyl saıyn Qazaqstanda "Keshendi maqsatty baǵdarlama" iske asyrylady. Onyń aıasynda joldardaǵy shuńqyrlardy jamaý, jol belgilerin ornatý jáne aýystyrý, qorshaýlardy ornatý jáne jóndeý, joldardyń qozǵalys bóligin tańbalaý jumystaryn júrgizý qarastyrylǵan.

Sońǵy jańalyqtar

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

Uqsas jańalyqtar