Qazaqstan • 01 Shilde, 2020

Qurylys saraptamasyn avtomattandyrý sybaılas jemqorlyqty azaıtty

9 ret kórsetildi

IIDM Qurylys jáne turǵyn úı-kommýnaldyq sharýashylyq isteri komıteti "E-JSQ" keshendi vedomstvodan tys saraptamanyń Biryńǵaı portalyn belsendi paıdalanýda, - dep habarlaıdy Egemen.kz.

Osylaısha, saraptamalyq qyzmetti avtomattandyrý maqsatynda 2015 jyldyń 1 mamyrynan bastap vedomstvodan tys Biryńǵaı saraptama portalyn iske qosý arqyly qurylys jobalaryna vedomstvodan tys keshendi saraptama júrgizý úshin "bir tereze" qaǵıdaty engizildi.

Portal barlyq salalyq saraptamalardy biriktirýge múmkindik beredi. Bul ekologııalyq jáne sanıtarlyq-epıdemıologııalyq vedomstvodan tys keshendi saraptamaǵa, saraptama júrgizýdiń elektrondyq formatyna kóshýge, vedomstvodan tys keshendi saraptamanyń Biryńǵaı portalyn ázirleýge múmkindik beredi.

Biryńǵaı portaldy engizgenge deıin tapsyrys berýshi jobalyq-smetalyq qujattamany saraptamaǵa qaǵazben beretin.

Budan basqa, jobalaý-smetalyq qujattamany qaraý merzimi 285 kúnnen 45 jumys kúnine deıin qysqartyldy. Bul rette saraptama júrgizý prosesiniń ashyqtyǵy qamtamasyz etiledi. Sybaılas jemqorlyq táýekelderi joıylyp, ózin-ózi saraptamalaý sapasy arttyryldy.

Sońǵy jańalyqtar

Uqsas jańalyqtar