Myńjyldyqtar toǵysynda Uly dala tósinde qurylǵan jas memlekettiń zar zamanda joǵaltqan qundylyqtary qaıtaryldy, bary bútindeldi, azattyqpen birge sáýleli sátterge toly shýaqty shejiresi túzile bastady. О́z maqalasynda Memleket basshysy osy bir mereıli mıssııany oryndaý Elbasy N.Nazarbaevtyń mańdaıyna jazylǵanyna ekpin berdi.
О́tken ǵasyrdyń toqsanynshy jyldary álem kartasynda oryn alǵan tektonıkalyq úlken saıası ózgeristerdiń salmaǵyn saralaı otyryp, Qazaqstannyń ulttyq múddesin synalap engize bilgen Elbasy osy bir otyz jyldyń ishinde jas memleketti álemniń damyǵan 30 eliniń qataryna qosý maqsatymen kósh bastady. Kóshimiz kólikti boldy. Ultymyzda "Bas bolmaq ońaı, bastamaq qıyn» degen sóz bar. Bul oraıda Qazaqstan – qalyptasqan qoǵamdyq qurylystar aýysqan almaǵaıyp kezeńde kemeńger basshysyn taba bilgen el", dedi Q.Toqaev.
Prezıdent naqty ári batyl is-áreketke bara alatyn adamdar sırek ekenine toqtalyp, mundaı tulǵalar tarıhty túzep, jańa zamandy alǵa jeteleıtinine nazar aýdardy.
"Nursultan Ábishuly – osyndaı aıryqsha erik-jigerimen erteńgi kókjıekke batyl qaraı bilgen biregeı reformator, álem moıyndaǵan memleket qaıratkeri! Ol – táýelsiz eldiń tól tarıhyn óz qolymen jasaǵan tegeýrindi tulǵa! Elbasymyz álemniń eń azýly elderiniń basshylary men saıası qaıratkerleri qurmet tutatyn bıikke kóterilip, elimiz halyqaralyq qoǵamdastyqtyń beldi de bedeldi múshesine aınaldy. Bul – kúrmeýi qıyn kúrdeli kezderde halyqty aýyzbirshilik pen tatýlyqqa jumyldyryp, eski túsinikten naryqtyq qoǵamǵa ótkizgen jáne álemdik ekonomıkanyń belsendi qatysýshysyna aınaldyrǵan Nursultan Nazarbaev fenomeni", dedi Q.Toqaev.
