Jıyrma áleýmettik joba respýblıkalyq deńgeıge shyǵady

«Akselerasııanyń alǵash­­qy qadamynan ótken 39 joba­nyń jıyrmasy tańdalyp alyndy. Endi olar akselerasııanyń tolyq baǵdarlamasynan ótip, elimizdiń ár aımaǵynda júzege asýy úshin jumys júrgizedi. Búginde ak­seleratorlardyń aldynda úsh basty mindet tur. Iаǵnı daıyn jobalar­ǵa sa­raptyq jáne ádistemelik kó­mek kórsetý, oǵan ın­ves­­­tısııalar tartý jáne osy jo­balardy jan-jaq­ty ta­ratyp, aıasyn keńeıtý kóz­de­lip otyr», dedi joba kýra­tory, «Rýhanı jańǵyrý» qazaqstandyq qoǵamdyq damý ınstıtýty Saraptaý jáne ádis­­­temelik qamtamasyz etý bas­­qarmasynyń jetekshisi Lıýd­­mıla Býrlachenko. 

Onyń aıtýynsha, «О́z­­­ge­­­­ris­tiń sárýarlary» jo­ba­­sy­nyń qaty­sýshylary bi­lim, mádenıet, ın­klıýzııa, eko­­logııa baǵyttary boıynsha tórt topqa bólingen.

«Biz tek óz kásipterinen ta­bys taýyp otyrǵandardy emes, áleýmettik mańyzy bar, qoǵamǵa tıgizer paıdasy mol jobalardy qoldaımyz. Ár joba «Rýhanı jańǵyrý» baǵ­­darlamasynyń basty usta­nym­­daryna sáıkes keledi. Naq­ty aıtqanda, atalǵan jobalar bar­lyq qundylyqtardy saq­taı otyryp, óz salasynda úzdik bolýy tıis, sondaı-aq ın­no­vasııalyq túrde úne­mi úz­dik­­siz damýy qajet. Qazir­diń ózinde Qazaqstandy halyq­aralyq naryqta alǵa jetelep, atyn qalyptastyrǵan brendter bar», dep atap ótti Lıýd­mıla Býrlachenko.

Máselen, sondaı jobalar­dyń biri – «Aspara Fashion week». Mádenıet salasynda júzege asyp jatqan bul joba fashion-ındýstrııa tarıhynda birinshi ret halyqaralyq deńgeıde onlaın sán aptaly­ǵyn ótkizip jatyr.

Bilim berý salasynda «Open English» jobasy da erek­­she nazar aýdartady. Bul áleý­met­tik jobada erikti jastar joǵary synyp oqýshylaryna aǵylshyn tilin úıretedi. So­ny­men qa­tar erikti jastardy bas­qa­rý tehnologııasynyń zamanaýı úlgilerine beıimdep, kósh­bas­shy­lyq qasıetterin arttyra­dy jáne aldaǵy ýaqyt­­ta ju­mysqa ornalasý má­­se­lesin de jeńildetedi.

Jıyrma jobanyń segizi ınklıýzıvti salaǵa arnalady. Ony osy baǵyttaǵy tájirıbesi mol «Bolashaq», «Salamatty bo­lashaq», «Zamandas» qor­la­­ry jáne endi ǵana quryl­ǵanymen áleýmettik salaǵa ın­­­no­vasııalyq kózqarasymen en­gen «Altyn bala» kásipkerleri júzege asyrmaq. Budan bólek, ın­klıýzıvti baǵyt boıynsha «Kun­de» jáne «Emoji» áleý­met­­tik kafeleri jumys jasap jatyr.

«Akseleratorlar jumysy­nyń basty ereksheligi retinde ár jobaǵa jeke toqtalyp, tyń­ǵylyqty kóńil buratynyn aı­týǵa bolady. Sarapshylardyń 3 aı ishinde atqarǵan jumysy arqyly atalǵan jobalar jan-jaqty damýy úshin zor qol­daýǵa qol jetkizdi», dedi Lıýdmıla Býrlachenko.