О́ńirdegi sońǵy táýliktegi ósim 5,5 paıyzǵa jetti. Kórsetkish kórshiles Qostanaı, Aqmola, Pavlodar oblystarynan da asty. Naqty aıtsaq, Qostanaı oblysyndaǵy ósim – 4,4 Aqmola oblysynda – 4,0 al Pavlodarda 1,2 paıyz bolǵan.
Eger jaman indetke qarsy basqa da málimetterdi aıta ketetin bolsaq, oblysta táýir bolǵandardyń jalpy sany – 386 adam. Indet bastalǵannan beri qaıtys bolǵandar 13 adamǵa jetti.
Oblys halqy tártipke birshama moıynsunǵanymen, jaǵdaıdyń osylaı kúrdelenip bara jatqany erekshe saqtandyrý sharalaryn qabyldaýdy qajet etedi. Qazir shekaralyq beketterden ótýshilerdi qatań baqylaýǵa alý qolǵa alyndy. О́tken senbi-jeksenbi kúnderi oblystyń bas sanıtarlyq dárigeri Serikbaı Qasmaqasov Petropavl qalasy boıynsha karantın jarııalap, barlyq qoǵamdyq oryndar, onyń ishinde gıpermarketter men sýpermarketter, bazarlar, kóńil kóteretin qoǵamdyq oryndar, sport alańdary túgel jabyldy. Qoǵamdyq kólikterdiń júrýine tyıym salyndy. Barlyq dámhanalar men meıramhanalardyń jumysyna shekteý qoıyldy. Alaıda osy sharanyń nátıjesi týraly oblystyq densaýlyq saqtaý oryndary eshqandaı derekter aıtpaı otyr. О́ıtkeni endi KVI-ge baılanysty barlyq aqparattar ortalyqtandyrylyp, resmı túrde Densaýlyq saqtaý mınıstrliginen Ortalyq kommýnıkasııalar qyzmeti arqyly taratylady. Barlyq aımaqtyq brıfıngter toqtatyldy. Bálkim, osynyń ózi durys shyǵar. О́ıtkeni eshkim eshteńe bilmese de san-saqqa júgirtip, bilgenderin aıta berýshiler kóbeıip ketti. Halyq kimge senerin de bilmeı qaldy. Al bir ortalyqtan resmı aqparat tarap otyrsa – bilgisi keletin turǵyndar ony arnaýly coronavirus2020.kz arqyly ala alady. Sondyqtan jaman indettiń barysy, erekshelikteri týraly qazir óz pikirlerin aıtýdan mamandar at-tonyn ala qashyp otyr.
Soltústikte anyqtalǵan barlyq dertti adamdardyń jartysyna jýyǵynda syrtqy belgileri joq, ıaǵnı sımptomsyz. Eger barlyq dertti adamdar sany 783 bolsa sonyń 356-sy sımptomsyz bolyp otyr. Bul aty jaman indet belgileri kórinbeı, tek ózderi tasymaldaýshy bolyp tabylatyn naýqastar arqyly taralyp jatqanyn kórsetedi. 2020 jyly 29 maýsymdaǵy respýblıkadaǵy jaǵdaı boıynsha, naýqastardyń bir táýliktegi ósimi 1003 bolsa sonyń ishinde soltústik óńirdiń úlesindegiler 99 bolǵan. Kórshiles Qostanaıda – 15, Pavlodarda 7 syrqat qana bolǵanda, Soltústik Qazaqstandaǵy sannyń aıryqsha sıpat alýy oılantady.
Soltústik Qazaqstan oblysy
